“სასულიერო პირებს მოვუწოდებ საჯაროდ ითხოვონ შენდობა” – მიტროპოლიტი სტეფანე

“სასულიერო პირებს მოვუწოდებ შენდობა ითხოვონ საჯაროდ” , – აცხადებს ჭყონდიდში საგანგებოდ მივლინებული მეუფე სტეფანე ეპარქიაში 8 მარტს მომხდარ ინციდენტის გახსენებისას.

“სასულიერო პირებს მოვუწოდებ შენდობა ითხოვონ საჯაროდ, ყველას წინაშე, იმიტომ, რომ ეს მათ ძალიან დიდ ძალას მისცემს უფლისაკენ მობრუნებისა და ეკლესიისგან შეწყნარებისა. მრველი და ადამიანები, მათ შორის ჟურნალისტები, რომლებიც ამაში მონაწილეობდნენ, შენდობა ითხოვონ, ოღონდ თავიანთ მოძღვრებთან, ვინც მორწმუნეა, ვინც არაა მორწმუნე, თავის თავს თვითონ მიხედავს, უფალი მერე როგორ დახვდება თვითონ იკითხოს, მაგრამ ვისაც აქვს სინდისი ქრისტიანული, მივა მოძღვართან, შენდობას ითხოვოს, ერის ხალს, ჩვენ არ ვითხოვთ, რომ ისინი საჯაროდ იხდიდნენ ბოდიშს”, – თქვა მეუფე სტეფანემ საკვირაო წირვაზე.

შეგახსენებთ, რომ სასულიერო პირების ნაწილი ეპარქიაში მეუფე სტეფანეს განმწესებას ეწინააღმდეგება. ისინი ამბობენ, რომ თუ მათი მოთხოვნები არ დაკმაყოფილდა მომავალ კვირას აქციას გამართავენ. პროტესტის ნიშნად სასულიერო პირების ნაწილი მღვდელმსახურებაში არ მონაწილეობს.