„ქართული ოცნების“ ლიდერებთან შეხვედრის დასრულების შემდეგ, ამ წუთებში, ევროპული საბჭოს პრეზიდენტის, შარლ მიშელის წარმომადგენელი, კრისტიან დანიელსონი „ნაციონალური მოძრაობის“ ლიდერებსა და „ძალა ერთობაშიას“ წარმომადგენლებს ხვდება. შეხვედრას ესწრებიან აშშ-ისა და ევროკავშირის ელჩებიც.
შეხვედრაზე პოლიტიკური დიალოგის დღის წესრიგი განიხილება. როგორც შეხვედრის დაწყებამდე, ოპოზიციის წარმომადგენლებმა განაცხადეს, ისინი ისაუბრებენ იმ ძირითად მოთხოვნებზე, რომლის გარეშეც შეთანხმებას არ გეგმავენ. ესაა ვადამდელი არჩევნები და ნიკა მელიასა და გიორგი რურუას გათავისუფლება.
პირველ შეხვედრას, „ქართული ოცნების“ მხრიდან, შეხვედრას პარტიის თავმჯდომარე ირაკლი კობახიძე, პარლამენტის თავმჯდომარე არჩილ თალაკვაძე და პარტიის პოლიტიკური საბჭოს წევრი შალვა პაპუაშვილი ესწრებოდნენ, თუმცა, შეხვედრის დასრულების შემდეგ, მედიასთან საუბრის დეტალებზე არ უსაუბრიათ. მათ მოლაპარაკებისთვის მზაობა კიდევ ერთხელ დაადასტურეს.
არჩილ თალაკვაძის განცხადებით, არაა გამორიცხული, დღეს მმართველი გუნდი კიდევ ერთხელ შეხვდეს შარლ მიშელის წარმომადგენელს.
კომენტარები