გასულ თვეს, ოპოზიციონერი პოლიტიკოსის, ალექსეი ნავალნის მხარდამჭერ აქციაზე ათასობით მხარდამჭერი დააკავეს. მათ შორის, რუსეთში მოღვაწე ქართული წარმოშობის ბლოგერი და ფიტნესინსტრუქტორი, სოსო ღლონტი, რომელსაც ორმაგი მოქალაქეობა აქვს.
“სპორტი = მშვიდობას, მშვიდობა ≠ პუტინს” – ამ შინაარსის ტრანსფარანტით ფიტნესინსტრუქტორი მასშტაბურ აქციაზე 23 იანვარს გამოჩნდა.
„სოსოს 7 დღე მიუსაჯეს. სავარაუდოდ, ტელეფონი მიუწვდომელი იქნება. ვეცდებით, საქმის კურსში გამყოფოთ” – ეს შეტყობინება კი ღლონტის Instagram-ზე 2 თებერვალს გამოქვეყნდა.
ტელეკომპანია “Настоящее Время”-ს მიერ გავრცელებულ ვიდეოში ჩანს, რომ დაკავების დროს პოლიციელებმა მის წინააღმდეგ ელექტროშოკერი რამდენჯერმე გამოიყენეს.
1-ელ თებერვალს, სასამართლო პროცესამდე ცოტა ხნით ადრე, სოსო “Настоящее Время-ს” ესაუბრა.
„როცა მაკავებდნენ, წინააღმდეგობის გაწევას არ ვგეგმავდი. მესმოდა, ამას სადამდე შეიძლება მივეყვანე. უბრალოდ, იმდენად სასტიკად მომექცნენ, რომ ბრძოლისთვის მზად ვიყავი. ახლა უკვე მესმის, შემდეგ ჯერზე როგორც მოვიქცევი.
ელექტროშოკერი საკმაოდ მტკივნეულია. გავიგე, რომ მისი ძაბვა 120 ათასი ვოლტია, სიმძლავრე კი – 10 ვატი. იმ ელექტოშოკერის სიმძლავრე, რომლის ტარება მოქალაქეებსაც შეუძლიათ, 3 ვატია. დუნდულები ახლაც მტკივა. თირკმელებშიც მირტყეს და ფეხებშიც”, – გაიხსენა ბლოგერმა.
მისი Instagram-აქტივობით ირკვევა, რომ ის ჩვეულ ცხოვრებას დაუბრუნდა. ერთ-ერთი ბოლო აქტივობით, ციხეში მომხდარ ბუნტს იხსენებს:
„როცა მოვიდა ჩვენი გათავისუფლების დრო, გვითხრეს, რომ ცოტა მოგვეთმინა. შვიდი დღე ველოდებოდით კიდევ, რაზეც ჩვენ დაუყოვნებლივ მოვახდინეთ რეაგირება და მასშტაბური ბუნტი მოვაწყეთ.
სამი საათის განმავლობაში ვურტყამდით კარებზე, რის შემდეგაც პირადად მოვიდა იზოლატორის უფროსი და გაგვათავისუფლა“
წყარო – პრაიმტაიმი
კომენტარები