მცხეთის რაიონულ სასამართლოში, გიორგი შაქარაშვილის საქმეზე ბრალდებული 5 პირის სასამართლო პროცესზე მოწმის სტატუსით ჩვენების მისაცემად ვახტანგ ახვლედიანი მივიდა.
როგორც მისმა ადვოკატმა კახა წერეთელმა ჟურნალისტებთან განაცხადა, მისი დაცვის ქვეშ მყოფი სასამართლოს ახალ ინფორმაციას ვერ მიაწვდის და იგი ჩვენებაში ნათქვამს გაიმეორებს.
„ვახტანგ ახვლედიანი დაზარალებულის სახით, ერთხელ უკვე დაკითხულია სასამართლოში. რაიმე განსაკუთრებული და ახალი დღეს არაფერი იქნება. რაც განაცხადა ჩვენებაში, იგივე იქნება დღეს და იგი ყველა კითხვას, რაც იქნება დასმული, გასცემს პასუხს“, – აღნიშნა კახა წერეთელმა.
ბრალდებულთა დაცვის მხარე აცხადებს, რომ ვახტანგ ახვლედიანი გამოძიების ცრუ მოწმეა, რადგან მან ჩვენება არაერთხელ შეცვალა.
კომენტარები