ლელოს ერთ-ერთმა ლიდერმა, ანა ნაცვლიშვილმა გელათის დაზიანების გამოძიების მოთხოვნით პროკურატურაში განცხადება შეიტანა.
“დღეს მე მთავარი პროკურატურისგან მოვითხოვე, დაიწყონ გამოძიება გელათის სამონასტრო კომპლექსის არასწორი რეაბილიტაციის გამო, ძეგლის დაზიანების ფაქტზე და ასევე, სამსახურეობრივი გულგრილობის დანაშაულის ნიშნების შემცველ ფაქტებზე. თქვენ მოგეხსენებათ, რომ 2014-2019 წლებში ჩატარდა გელათის რეაბილიტაცია, რის შედეგადაც დაზიანდა სახურავი და წყალი ჩადის, რამაც დააზიანა საუკუნოვანი ფრესკები. მე ამაზე არაერთხელ გამიკეთებია პრესკონფერენცია, მათ შორის გელათიდან”, — აცხადებს ანა ნაცვლიშვილი.
მისი განცხადებით, მნიშვნელოვანია შეიქმნას პრეცედენტი, როდესაც კულტურული მემკვიდრეობის დაზიანების ან განადგურების გამო, კონკრეტული სახელმწიფო უწყებები აგებენ პასუხს.
კომენტარები