სოფელ ბუკნარში ვითარება განმუხტულია. ქრისტიან და მუსლიმ თემს შორის დღეს შეხვედრა გაიმართება. მასში მონაწილეობას მიიღებენ ხელისუფლების წარმომადგენლები და სასულიერო პირებიც. შეხვედრის დაწყებამდე მუსლიმები სამლოცველოში შეიკრიბებიან და პარასკევის ტრადიციულ ლოცვას შეასრულებენ. პარალელურად, სოფლის ტაძარში მართლმადიდებლებიც ლოცვას აღავლენენ.
შეხვედრის მიზანი მხარეების შერიგებაა.
ჩოხატაურის მუნიციპალიტეტის სოფელ ბუკნარში უთანხმოება მუსლიმ და ქრისტიან მოქალაქეებს შორის 2 დღის წინ დაიწყო. კონკრეტულად, მუსლიმი თემის წარმომადგენლები სოფელში სალოცავის მოწყობას ითხოვენ, ქრისტიანული თემის წევრები კი ამის წინააღმდეგნი არიან. აზრთა სხვადასხვაობა ფიზიკურ დაპირისპირებაშიც გადაიზარდა. ფაქტზე შსს-მ ერთი პირი დააკავა.
კომენტარები