ქალბატონო პრეზიდენტო, ინდაურზე ძვირფასი – ადამიანია! – პატიმრის წერილი

პატიმარ გელა მაიროვის წერილი:

“მოგვიანებით გილოცავთ 2021 წლის შემობრძანებას!

იმედს დავიტოვებ, რომ თბილი სიყვარულით აღსავსე, იმედებით სავსე, და სიკეთისკენ მიმარული წელი იქნება.

იმედია მალე ჩაივლის ეს მძიმე სენი, რომელმაც ჯერ ისეც დაშორებული ხალხი, კიდევ უფრო დააშორა.

უფალს ვთხოვ, 2021 ჩახუტების, მოფერების და ერთმანეთთან თამამად მისვლის წელი ყოფილიყოს!

მე არ მახსოვს რომელიმე, ახალი წლის ღამეს, ბოლო თხუთმეტი-ოცი წლის მანძილზე პრეზიდენტს არ გამოეცა შეწყალების აქტი და არ გაეხარებინათ პატიმართა ოჯახები,

სამწუხაროთ წელს ჩვენს პრეზიდენტს ეს არ გაუკეთებია,

როცა ნულოვანი ტოლერანტობის მქონე, სააკაშვილიც კი აკეთებდა შეწყალების აქტს,

მიუხედავათ ამ ყველაფრისა, მე პატიმარი გელა მაიოროვი გულწრფელი გულით, გილოცავთ ქალბატონო პრეზიდენტო 2021 წლის დადგომას.

ახალი წელი, ახალი ფურცლის დაწყებაა

და ინდაურზე ძვირფასი, ადამიანი და მისი ფასეულობაა

იმედს დავიტოვებ, თითოეული ჩვენგანი ახალ ფურცელზე წერას დავიწყებთ!

წერას ერთმანეთის სიყვარულზე, და წერას ერთმანეთის მიტევებაზე,

მე კიდევ ერთხელ, დიდი სიყვარულით გილოცავთ ახალწელს, და დამდეგ შობას!”