თბილისის მერი კახი კალაძე აფრიკის დასახლებაში შენობების დემოტაჟის გამო გამართულ აქციას ეხმაურება და აცხადებს, რომ მიწები, რომლებზეც მოსახლეობამ სახლების აშენება დაიწყო, მიტაცებულია, გარკვეული ჯგუფები კი ხელებს ითბობენ, რადგან მიზანმიმართულად ხდება აღნიშნული ტერიტორიების დაკავება:
“მე არ გამოვრიცხავ, ამის უკან იყოს გარკვეული ჯგუფები, რომლებიც ხელს ითბობენ, იქ არავინ არ ცხოვრობს, ეს არის დატაცებული მიწები, მიზანმიმართულად ხდება ამ კონკრეტული ტერეტორიების დაკავება, გარკვეული შენობა–ნაგებობის განთავსება, რომ შემდეგ წლების განმავლობაში მოახდინონ ამ მიტაცებული მიწების რაღაცნაირად მითვისება, რაც კატეგორიულად მიუღებელია და დაუშვებელია, ეს არის ის ადამიანები, რომელთაც აქვთ სახლები ეს არის ის ადამიანები, რომელთაც აქვთ მიწები” – განაცხადა კალაძემ.
შეგახსენებთ, რომ დღეს დილიდან ხმაურია აფრიკის დასახლებაში, სადაც თბილისის მერიამ მძმე ტექნიკა გაუშვა და შენობების დემონტაჟი დაიწყო. მოსახლეობა საკუთარი სახლების ნგრევას აპროტესტებს, რის გამოც პოლიციასა და აქციის მონაწილეებს შორის დაპირისპირება მოხდა. დაკავებულია 9-ზე მეტი პირი, ხოლო უამრავმა მათგანმა სხეულის მძიმე დაზიანება მიიღო. მათ შორის არის ორსული ქალიც.
“მოვიდეს კალაძე და დაველაპარაკებით, რომელი საუკუნეა, ამერიკელებზე ჰყიდიან მიწებს და ჩვენ არ გვაძლევენ საშუალებას ჩვენს მიწებზე ვიცხოვროთ” – აცხადებს აქციის ერთ-ერთი მონაწილე.
კომენტარები