ორთვიანი კომის შემდეგ 23 წლის სალომე გვასალია გარდაიცვალა. გარდაცვლილის ახლობლები ქუთაისის ინტერვნციული მედიცინის ცეტრთან შეიკრიბნენ. ისინი დაუდევრობაზე საუბრობენ და ექიმის პასუხისმგებლობის დაყენებას მოითხოვენ.
ოჯახის თქმით, ოპერაცია არასწორად ჩარტა, რის გამოც ისინი ექიმის უფლებამოსილების შეჩერებას მოითხოვენ. დაღუპულის ნათესავები საქმეში დამოუკიდებელი ექსპერტის ჩართვას მოითხოვენ და დახმარებისთვის პრემიერმინისტრს მიმართავენ.
“მედიცინა ნორმალურ ფორმაში რომ იყოს ამას მოვითხოვ, სხვისი შვილები რომ აღარ შეეწირონ მას
გამოძიებას ვთხოვთ, სიმართლე დაადგინოს, ვინც არის დამნაშავე ბავშვის სიკვდილში, ასე დაუსჯელი ხომ არ უნდა დარჩეს? დღეს ჩვენ დავიღუპეთ, მაგრამ ხვალ და ზეგ თქვენ იქნებით შემდეგნი…” – ამბობენ ოჯახის წევრები
ინტერვენციული მედიცინის ცენტრის იურისტის თქმით, მომხდარზე დაწყებულია გამოძიება. საქმეში ჩართულია ჯანდაცვის სამინისტრის რეგულირების სააგენტო და ამის მიხედვით დადგინდება გახდა თუ არა დაუდევრობა სიკვდილის მიზეზი.
შეგახსენებთ – სალომე გვასალია სენაკში ხიდან ჩამოვარდა, რის შემდეგაც ხერხემლის დაზიანებით ქუთაისის საავადმყოფოში გადაიყვანეს. გვასალიას ოპერაციის დროს – ნახევარი საათით – გული გაუჩერდა, მოგვიანებით კი ტვინი შეუშუპდა. მას დასჭირდა მეორე ოპერაცია.
კომენტარები