ხელოვნურ კომაში გადაიყვანეს კორონავირუსით ინფიცირებული, თბილისის ვაშლიჯვრის ნათლისღების ტაძრის წინამძღვარი, დეკანოზი დავით ქვლივიძე. „2020NEWS“-ის ინფორმაციით, კოვიდინფექციამ იმდენად დაამძიმა დეკანოზის ჯანმრთელობის მდგომარეობა, ფილტვებს ზედმეტი დატვირთვა რომ არ ქონდეს, ექიმებმა ეს გადაწყვეტილება გუშინ მიიღეს.
„მისი გადარჩენის შანსი 50/50 ზეა“, – ამის შესახებ სააგენტოსთან მღვდელმონაზონმა, მიქაელ ბრეგვაძემ განაცხადა.
„კორონავირუსის გამო, დეკანოზ დავით ქვლივიძეს ფილტვების 80% აქვს გათიშული და ხელოვნურ კომატოზურ მდგომარეობაში იმყოფება. ის რკინიგზის საავადმყოფოშია მოთავსებული.
ექიმები ამბობენ, რომ გადარჩენის შანსი 50/50- ზეა.
ჩემი ინფორმაციით, ის ეკლესიაში მისვლამდე დაინფიცირდა. ასე რომ, მას არავისთან ჰქონია შეხება. რაც შეეხება სხვა სასულიერო პირების ინფიცირების ამბავს, მათი მდგომარეობა სტაბილურია და ყველა მათგანმა ვირუსი წარმატებით დაამარცხა.“, – განაცხადა მღვდემონაზონმა მიქაელმა.
ცნობისთვის, თბილისის ვაშლიჯვრის ნათლისღების ტაძრის წინამძღვარი დეკანოზი დავით ქვლივიძე რამდენიმე დღის წინ კორონავირუსით დაინფიცირდა, მისი ჯანმრთელობის მდგომარეობა 2 დღის წინ დამძიმდა.
კომენტარები