ეროვნული ბიბლიოთეკის დირექტორი გიორგი კეკელიძე მსახიობ კახი კავსაძეს მალე გამოჯანმრთელებას უსურვებს და მასთან დაკავშირებით Faceook-ზე წერს.
„ბოლო წლებია, სამსახურისკენ მიმავალი, რუსთაველის თეატრის წინ, სკამზე მჯდარ კახი კავსაძეს ვხვდებოდი ხოლმე. სევდიანი და ჯიუტი მზერით უცქერდა შენობას. თუ ოდნავ დააკვირდებოდი, იოლი შესამჩნევი იყო ის დაოუკებელი ვნება და დაუცხრობელი სურვილი, რაზეც მისი კოლეგები და რეჟისორები მიყვებოდნენ – თუ როგორ გარდაიქმნებოდა, ეს ღრმად მოხუცი და ათას დაავადებასთან მებრძოლი კაცი კამერის ჩართვისთანავე ახალგაზრდული შემართების მსახიობად. არათუ მინახავს, იშვიათად მსმენია, საკუთარი საქმე ასეთი გაშმაგებით უყვარდეს ვინმეს.
მალე გამოჯანმრთელებას ვუსურვებ!”, – წერს გიორგი კეკელიძე სოციალურ ქსელში.
ცნობისთვის, ცოტა ხნის წინ, ლეგენდარულ მსახიობს, კახი კავსაძეს კორონავირუსი დაუდასტურდა. ის საუნივერსტეტო კლინიკაში მკურნალობს.
კომენტარები