„ნაციონალური მოძრაობის“ წევრი ზაალ უდუმაშვილი ჯანდაცვის სამინისტროს საგანგებო სიტუაციების კოორდინაციისა და გადაუდებელი დახმარების ცენტრის დირექტორის ავთანდილ თალაკვაძის თანამდებობიდან გათავისუფლებას აფასებს და ამბობს, რომ ერთი დეპარტამენტის ხელმძღვანელის თანამდებობიდან წასვლა სიტუაციას ვერ უშველის.
მისივე შეფასებით, „ახლა „განტევების ვაცის“ პოვნის პერიოდია ხელისუფლებაში დადმდგარი, ვიღაცას უნდა შეაწმინდონ ხელი”.
„არამხოლოდ ავთანდილ თალაკვაძე, ჯანდაცვის სისტემაში საერთოდ რომელიმე რგოლი გაუმკლავდა პანდემიას, გარდა იმ ექიმებისა, რომლებიც ყოველდღიურად იბრძიან ჩვენი პაციენტების სიცოცხლის გადასარჩენად? რაც შეეხება ჯანდაცვის მენეჯმენტს, დამისახელეთ რგოლი, რომელიც გაუმკლავდა ეპიდემიას. ეს არამხოლოდ ჯანდაცვის სისტემის ბრალია, მთლიანად ხელისუფლების მიდგომა იყო არასწორი, რის შედეგადაც ვიმკით იმას, რაც დღეს ხდება ქვეყანაში. ის, რომ ერთი დეპარტამენტის ხელმძღვანელი დატოვებს თანამდებობას, ეს სიტუაციას ვერ უშველის. ახლა „განტევების ვაცების“ პოვნის პერიოდია ხელისუფლებაში დადმდგარი, ვიღაცას უნდა შეაწმინდონ ხელი. მე ვერც დავიცავ და ვერც გავამტყუყუნებ თალაკვაძეს იმიტომ, რომ არ ვიცი, ის რას მუშაობს, მაგრამ ფაქტია, რომ ჯანდაცვის სისტემა ჩამოშლილია მთლიანად ისევე,როგორც ჩამოშლილია ყველა ის უწყება, რომელიც ჩართულია პანდემიასთან ბრძოლაში“, – განაცხადა უდუმაშვილმა.
კომენტარები