“ერთიანი საქართველოს” ლიდერმა ნინო ბურჯანაძემ ევროკავშირის ელჩთან გამართული აუდიენციის შემდეგ მედიასთან კომენტარი გააკეთა და არჩევნებთან დაკავშირებით პოზიცია კიდევ ერთხელ დააფიქსირა.
ბურჯანაძე ღიად ამბობს, რომ ხელისუფლებასთან კომპრომისი შეიძლება იყოს ხელახალი არჩევნები და ახალი არჩევნებსი ფონზე აქციების შეწყვეტა.
“ელჩებს ძალიან კარგად ესმით რამდენად მძიმეა ქევეყანაში პოლიტიკური სიტუაცია, სწორედ ამიტომ არიან შეწუხებულები და ხარჯავენ ამდენ დროს. ეს არ არის ელჩების პირდაპირი საქმე, რასაც ისინი ახლა აკეთებენ, მაგრამ იძულებულები არიან წამოვიდნენ ამაზე, რომ ქვეყაანში პოლიტიკური კრიზისი განმუხტონ და ამისთვის მადლობის მეტი არაფერი გვეთქმის. პოლიტიკურმა კლასმა გაითავისა, რომ ახლა ნებისმიერი შეცდომა პოლიტიკური ლიდერების მხრიდან ნიშნავს მოსახლეობის მხარდაჭერის აბსოლუტურ დაკარგვას”, – აცხადებს ბურჯანაძე.
მისი თქმით, ახლა ოპოზიციის ერთიანობა განსაკუთრებით მნიშვნელოვანია, რადგან ბიძინა ივანიშვილის ამოცანა პოლიტიკური კლასის განადგურებაა.
ბურჯანაძე ამბობს, რომ ფასილიტატორებს აუხსნა, რომ ბიძინა ივანიშვილის თამაშის წესების მიღება, არჩევნების გაუქმების და პოლიტიკური პროცესის სიკვდილის ტოლფასია.
“ისინი გამოსავალს ეძებენ. გამოსავალი არის, რა თქმა უნდა, რომ მიღებულ იქნას ისეთი ორმხრივი გადაწვყეტილება, რომელიც უზრუნველყოფს პოლიტიკური ცხოვრების გაგრძელებას ქვეყანაში, რომელიც მოგვცემს შესაძლებლობას, რომ შეწყდეს აქციები, მაგრამ, რა თქმა უნდა, მე ავუხსენი ჩვენს მეგობრებს, რომ, პრაქტიკულად, პოლიტიკური სპექტრისათვის შეუძლებელია გადაწყვეტილების მიღება, რომ შევიდნენ პარლამენტში, რომელიც არის არალეგიტიმური, რომელიც არის გაყალბებით არჩეული.
ავუხსენი მათ, რომ თუ ახლა ბიძინა ივანიშვილი ამ პროცესს მარტივად გადაიტანს და აიძულებს ყველას და ყველაფერს, რომ მისი თამაშის წესები მივიღოთ, ეს ნიშნავს, რომ საქართველოში არჩევნები აზრს დაკარგავს და საქართველოში პოლიტიკური ცხოვრება და პოლიტიკური კლასი მოკვდება”, – ამბობს ბურჯანაძე.
კომენტარები