თბილისის საქალაქო სასამართლოში ფეხბურთელ გიორგი შაქარაშვილის საქმეზე დაკავებული რვა სრულწლოვანის საქმეზე სასამართლო პროცესი დღეს გაიმართება.
დღევანდელ სხდომაზე სასამართლო ბრალდების მხარის მტკიცებულებების გამოკვლევას დაიწყებს.
ბრალდებულ საბა ჩხარტიშვილის ადვოკატის თქმით, პროცესზე წარდგენილი იქნება 3 მოწმე. მათი ჩვენებიდან გამომდინარე, როგორც ბრალდების, ასევე დაცვის მხარეს ექნება საშუალება, კითხვები დაუსვან წარდგენილ მოწმეებს.
13 ნოემბერს, გიორგი შაქარაშვილის საქმეზე 6 ბრალდებული მცხეთის რაიონულმა სასამართლომ დამნაშავედ ცნო.
საქართველოს გენერალურმა პროკურატურამ გიორგი შაქარაშვილის დამამძიმებელ გარემოებებში განზრახ მკვლელობის ბრალდებით სისხლის სამართლებრივი დევნა ხუთი პირის მიმართ დაიწყო. გენპროკურატურამ შაქარაშვილის საქმეზე 11 ბრალდებულის საქმე ცალკე წარმოებად გამოყო.
კომენტარები