მომღერალი ნინა წკრილაშვილი, რომელიც ტაბლოიდების ყურადღების ცენტრში ხშრიად ექცეოდა, უკვე წელიწადზე მეტია საჯაროდ აღარ გამოჩენილა.
წკრიალიაშვილი ბოლოს სატელევიზიო გადაცემაში ია ფარულავას „ფარულ კონვერტში“ გამოჩნდა, სადაც მის ყოფილ მეგობარ მამაკაცზე, ბიზნესმენ გია შელეგიაზე სკანდალური განცხადება გააკეთა.
გადაცემაში სტუმრობისას, ნინამ თქვა, რომ პირადი ცხოვრების ამსახველი კადრები, რომელიც გადაცემის ეთერში გასვლამდე სოციალურ ქსელში გავრცელდა, მას სწორედ გია შელეგიამ გაუვრცელა და მისი სიყვარულის ისტორიის შესახებაც ისაუბრა.
„ამ ადამიანთან მე მქონდა ურთიერთობა, რომელიც სკანდალურად დავასრულეთ, მისი ტყუილების გამო. მართლა მეგონა, ცხოვრებაში ამდენი იმიტომ ვიწვალე, რომ შევხვედროდი ამ ადამიანს. მეგონა ის იყო მამა, ბიძა, მთელი სულით და გულით ვენდობოდი. მეგონა მორჩა, დაიწყო მშვიდი ცხოვრება ჩემს ცხოვრებაში.
ყველას ეგონა რომ ფულის გამო ვიყავი მასთან, მაგრამ ასე არ იყო. პირველად ვიგრძენი ცხოვრებაში, რომ ვიყავი ქალი. მეგონა მყავს ადამიანი, რომელსაც შემიძლია ბოლომდე ვენდო, მოვეშვი. მანებივრებდა ძალიან.
ძალიან დიდ პატივს ვცემდი, მეხვეწებოდა მისგან შვილი გამეჩინა. ამ ასაკში რამოდენიმე თვის გაცნობილ ადამიანთან შვილი გააჩინო რთულია. კიდევ კარგი ზურგის ტვინი მაქვს ამოქმედებული. ძალიან ვმეგობრობდით, ჩემი ყველა პრობლემის შესახებ იცოდა. ურთიერთობიდან ზუსტად ერთ წელში გავიგე, რომ მისგან ორსულად იყო სხვა ქალი. ცხოვრების ბოლო იმედი დამენგრა“ – ამბობდა მომღერალი.
„პრაიმამბები“ კი გია შელეგიას დაუკავშირდა და სკანდალურად დასრულებულ მათ ურთიერთობაზე ჰკითხა:
“ქურდბაცაცაა მაგი, მაგან მომპარა რაღაცები და მერე ჩაუბარებია ლობარდში. მოატანინეს პოლიციელებმა.
ვიცოდი ღირსების ორდენოსანი ქალი იყო და ეს რა გამიკეთა. ოთხკარატიანი ბრილიანტის პერსენი მქონდა, დამეკარგა და მერე უცებ გაჩნდა სახლში, ოღონდ თვალი აღარ ჰქონდა. კიდევ „როლექსის“ საათი და „არმანის“ საკოლექციო სათვალე მომპარა.
მოატანინეს მერე ის ნივთები, თურმე ლომბარდში ჩაუბარებია. ყვირის მაჩუქაო, არ მიჩუქებია. მოვითხოვ ბოდიში მომიხადოს და ყველაფერი დამიბრუნოს რაც ჩემგან აქვს. რამდენიმე დღის წინ, მაგის ადვოკატმა დამირეკა, მითხრა, იქნებ მოვრიგდეთო, ნივთებს დაგიბრუნებთო, ის ნივთები, რაც პოლიციაში დევს, ისედაც დამიბრუნდება, მე მინდა ყველაფერი დამიბრუნოს რაც ჩემგან მიიღო”, – განაცხადა გია შელეგიამ.
კომენტარები