მიხეილ სააკაშვილი და მის მიერ მართული ზოგიერთი ძალები რჩებიან მთავარ ანტიდასავლურ ძალად საქართველოში, – ამის შესახებ „ქართული ოცნების“ ერთ-ერთმა ლიდერმა თეა წულუკიანმა ბრიფინგზე განაცხადა.
„გუშინ სააკაშვილმა საჯაროდ განაცხადა, რომ ევროსაბჭოს საპარლამენტო ასამბლეის სადამკვირვებლო მისიის ხელმძღვანელი არის რუსეთის აგენტი. სააკაშვილის თავდასხმა ერთ-ერთ უმნიშვნელოვანეს საერთაშორისო ინსტიტუტზე. ალბათ იმან გამოიწვია, რომ ამ ინსტიტუტის დასკვნა უბრალოდ არ დაემთხვა მი მიერ ტირაჟირებულ ყალბ რეალობას, რომ თითქოს მან გაიმარჯვა არჩევნებში და არა „ქართულმა ოცნებამ. ევროსაბჭოს დელეგაციამ თქვა ის რეალობა, რაც არის, რომ მშვიდობიან გარემოში ჩატარდა არჩევნები, რაც რა თქმა უნდა, სააკაშვილს არ მოსწონს, მას არ მოსწონს მშვიდობა მას სხვა გეგმები ჰქონდა და ეს გეგმები ჩაიფუშა“, – განაცხადა თეა წულუკიანმა.
კომენტარები