მიხეილ სააკაშვილის განცხადებებს არ ვანიჭებთ მნიშვნელობას, რადგან ეს არ არის აქტუალური ჩვენთვის, ოპოზიციის ერთობას არანაირი საფრთხე არ ემუქრება, – ამის შესახებ „ლელოს“ ოფისში ოპოზიციის წარმომადგენლების შეხვედრის დაწყებამდე, „ლელოს“ ერთ-ერთმა ლიდერმა, ბადრი ჯაფარიძემ განაცხადა.
ჯაფარიძის თქმით, ოპოზიციას აქვს საკუთარი გეგმები, რომელთანაც არანაირ კავშირში არ არის სააკაშვილი.
„სააკაშვილის განცხადებებს ამ ფორმატში არ განვიხილავთ და გეტყვით, რომ არ ვანიჭებთ მნიშვნელობას ამ განცხადებებს, რადგან ეს არ არის აქტუალური ჩვენთვის. ჩვენთვის აქტუალურია ქვეყანაში მიმდინარე პროცესები და ოპოზიციური პარტიების ერთობა, რომელიც ითხოვს ახალ არჩევნებს. ჩვენ გვაქვს ჩვენი თემები, რომელთანაც არანაირ კავშირში არ არის სააკაშვილი. ვერ ახდენს და ვერ მოახდენს გავლენას, ადამიანი რომელიც იმყოფება საქართველოს ფარგლებს გარეთ. ჩვენ ამ განცხადებებისთვის რაიმე მნიშვნელობის მინიჭება არ მიგვაჩნია მართებულად, არ ვადევნებ თვალყურს. ოპოზიციის ერთობას არანაირი საფრთხე არ ემუქრება. განსხვავებული პოზიციები შეიძლება იყოს, მაგრამ ეს ვერ მოახდენს გავლენას ოპოზიციურ ერთობაზე, ესაა მყარი ერთობა“, – განაცხადა ჯაფარიძემ.
კომენტარები