„ბიულეტენების გადათვლა ვერ აჩვენებს იმ შედეგებს, რაც რეალურად გაყალბდა“,- ამის შესახებ „ევროპული საქართველოს“ წევრი ლევან თარხნიშვილი აცხადებს.
მისი თქმით, „ევროპულ საქართველოს“ არჩევნების შედეგებთან დაკავშირებით 600-ზე მეტი საჩივარი აქვს შეტანილი, აქედან მხოლოდ 1 დაკმაყოფილდა. იგივე სტატისტიკაა სხვა ოპოზიციური პარტიების შემთხვევაში.
„ბიულეტენების გადათვლით არ გამოჩნდება ე.წ. კარუსელები, ამომრჩევლის მოსყიდვა, მათზე ზეწოლა, ბიულეტენების ჩაყრა“, – აღნიშნა ლევან თარხნიშვილმა.
ინფორმაციისთვის, საპარლამენტო უმრავლესობის წევრის მამუკა მდინარაძის განცხადებით, ის, რომ ოპოზიციური პარტიების ლიდერები ხმების გადათვლასა და ვიდეოჩანაწერების ნახვასა და გაანალიზებაზე უარს ამბობენ, აჩვენებს, რომ მათი ინტერესი სიმართლის გარკვევა არ არის.
კომენტარები