100 000 მოწამის ხსენების დღესთან დაკავშირებით დღეს სახალხო მსვლელობა აღარ გაიმართება

საქართველოს საპატრიარქოს ინფორმაციით, ეპიდემიის მკვეთრი გავრცელების გამო, 13 ნოემბერს, 100,000 მოწამის ხსენების დღეს სახალხო მსვლელობა აღარ გაიმართება.

„პარასკევს, 13 ნოემბერს, არის ხსენება თბილისში ჯალალ ედ – დინის დროს წამებულ 100 000 ქართველთა. ამ დღეს ტრადიციულად ეწყობოდა ხალხმრავალი მსვლელობა, რომელიც მეტეხის ხიდზე სრულდებოდა პარაკლისით, სხვადასხვა საზეიმო ღონისძიებითა და წყალზე ყვავილების მოფენით.

ეპიდემიის მკვეთრი გავრცელების გამო წელს მრევლის მსვლელობა აღარ გაიმართება. 17.00 საათზე მხოლოდ მცირე პარაკლისი ჩატარდება და ყვავილების გვირგვინი ანთებული სანთლებით მტკვარში ჩაესვენება ქრისტესთვის წამებული ჩვენი წინაპრებისადმი მადლიერების ნიშნად“, – ნათქვამია საპატრიარქოს განცხადებაში.