“მადლობას ვუხდი ფასილიტატორს” – ვისი მადლიერია ზურაბიშვილი?

მადლობა ფასილიტატორს – ამის შესახებ საქართველოს პრეზიდენტმა twitter-ზე დაწერა.

“კავკასიაში ახალი ერა იწყება. ვულოცავ ჩვენს მეგობრებს, სომხეთსა და აზერბაიჯანს ტრაგიკული ომის დასრულებას და მადლობას ვუხდი ყველა ფასილიტატორს. თანაგრძნობას და სამძიმარს ვუცხადებ დაღუპულთა ოჯახებს. მშვიდობას და სტაბილურობას ალტერნატივა არ აქვს! ჩვენ ერთად ვიწყებთ საქართველოს, სომხეთისა და აზერბაიჯანის თანამშრომლობის ახალ ეტაპს,”  – წერს სალომე ზურაბიშვილი twitter-ზე.

ფასილიტატორი ბარბარიზმია და მისი ქართული შესატყვისებია – წარმმართველი, წამყვანი, მრჩეველი.

შეგახსენებთ, ამ კონკრეტული შეთანხმების “ფასილიტატორი” იყო რუსეთი, სამი მხარის ხელმოწერაა დოკუმენტზე, რუსეთის, აზერბაიჯანის და სომხეთის. შეთანხმების დოკუმენტი კი კრემლმა გამოაქვეყნა.

ამ წუთებში, იმ სომხეთში, რომელსაც სალომე ზურაბიშვილი შეთანხმების მიღწევას ულოცავს, ათიათასობით ადამიანია გარეთ გამოსული და ფაშინიანის გადადგომას, ომის გაგრძელებას ითხოვენ.