“ძალიან მინდა, ასეთების გამკეთებლები ყველაზე ძვირფასებმა მიაგდონ ასე!”

სოციალური ქსელის მომხმარებელი, ტასო ლოსაბერიძე, სოციალურ ქსელში, აქვეყნებს ფოტოს და წერს:

“დღეს ოზურგეთში სკამზე მიბმული მიატოვეს ძაღლი..
ნაჭრით მიაბეს და წავიდნენ.
ძაღლი წევს და არსად არ მიდის, აუშვეს – მაგრამ ფეხს არ იცვლის იქედან.

ადამიანის სისასტიკეს საზღვარი არ აქვს! ყოველ დღე ახალი საშინელება ხდება.
საიდან შეგიძლიათ ასეთი ბოროტები იყოთ?
როგორ შეგიძლია ამის გამკეთებელო, ღამე მშვიდად დაიძინო?”

ფოტოს ბევრი გამოხმაურება მოჰყვა, მსახიობი ზურა პირველი წერს:

“მესმის, წყევლასავით გამომდის, მაგრამ არც მრცხვენია და არც სინდისის ქენჯნა არა მაქვს:

ძალიან მინდა, რომ ასეთების გამკეთებლებმა იგივე გრძნობები განიცადონ, რომ ყველაზე ძვირფასებმა მიატოვონ და მიაგდონ ასე!”