საქართველოს ექსპრეზიდენტი გიორგი მარგველაშვილი საპარლამენტო არჩევნების წინასწარ შედეგებს ეხმაურება და აცხადებს, რომ იზიარებს იმ ოპოზიციური პარტიების და საზოგადოების ემოციებს, რომლებიც რუსთაველთან არჩევნების წინასწარ შედეგებს რუსთაველზე აპროტესტებენ. მარგველაშვილმა ამაზე ფორმულას პირდაპირ ეთერში ისაუბრა:
“მნიშვნელოვანია ოდირი, ძალიან მნიშვნელოვანია სადამკვირებლო ორგანიზაციების შეფასებები, მაგრამ არჩევნები ტარდება ქართველი ხალხისთვის. წინასაარჩევნო პერიოდებში უარესიც გვინახავს, მაგრამ საარჩევნო დღის თვალსაზრისით, იმის მიუხედავად რომ საქართველოში ამის მაღალი სტანდარტი არ გვაქვს, ერთ-ერთი ყველაზე ჭუჭყიანი სურათი იყო, რასაც ვუყურებდით. დაწყებული პროცედურული დარღვევებით, გაგრძელებული ფულის დარიგებებით, მედიაზე თავდასხმით, კრიმინალური ელემენტების ისტერიული გააქტიურებით და დამთავრებული ოქმების შეუსაბამოებით, შეგვიჯამეს ეს ერთ დღეში. მემგონი ქართული ოცნების მხარდამჭერებიც შეძრწუნებულნი არიან ამით”.
ამ წუთებში, საქართველოს პარლამენტის წინ გაერთიანებული ოპოზიციის აქცია მიმდინარეობს. ოპოზიციონერი პოლიტიკური ლიდერები და მათი მხარდამჭერები საპარლამენტო არჩევნების პირველად შედეგებს აპროტესტებენ.
კომენტარები