“ნაციონალური მოძრაობის” ერთერთი ლიდერმა, გლდანის მაჟორიტარი დეპუტატობის კანდიდატმა ნიკა მელიამ პარლამენტის წინ გამართულ საპროტესტო აქციაზე მყოფ ხალხს დედამისის მესიჯი გააცნო, სადაც წერია” ბრძოლა ბოლომდე!”
როგორც ნიკა მელიამ აქციაზე სიტყვით გამოსვლისას განაცხადა, 2014 წლიდან, მას შემდეგ რაც ის პოლიტიკაში ჩაერთო, მისი მშობელი დედა არ მიესალმებოდა ამ გადაწყვეტილებას.
“დღიდან პოლიტიკაში ჩართვისა 2014 წლიდან არცერთი წუთით ჩემი მშობელი დედა არ მიესალმებოდა ჩემს გადადგმულ ნაბიჯს. მეტიც, როგორც დედა-შვილს შორის იმართება ხოლმე საუბარი, საყვედურს მაძლევდა რა გინდოდა? ჯერ მეუბნებოდა, საერთოდ რა გინდოდა პარტიაში, პოლიტიკაში და ეს გრძელდებოდა უკანასკნელ დღეებამდე, რაც განპირობებული იყო ნერვიულობით. დღეს დილით მესიჯი მივიღე დედაჩემისგან, ქალი, რომელიც მებრძოდა, რომ არ ვყოფილიყავი პოლიტიკაში: ბრძოლა ბოლომდე! ასე, რომ ამით ყველაფერი ნათქვამია ჩემთვის. შეუძლებელია, ამაყი ვაჟკაცი, პატრიოტი ხალხი დაჩაგრო ერთ კონკრეტულ დღეს, ბიძინა ივანიშვილმა ომი გაგვიმართა გუშინ, მაგრამ ჩვენ ეს ომი არ წაგვიგია, ჩვენ ბრძოლაში ვართ და ვიქნებით მანამ, სანამ არ გავიმარჯვებთ! “-განაცხადა ნიკა მელიამ.
შეგახსენებთ: ცესკოს, ამ დროის მონაცემებით, “ნაციონალური მოძრაობის” კანდიდატი გლდანის აარჩევნო ოლქში, ნიკა მელია არჩევნებში მიღებული ხმების რაოდენობით უსრებს “ქართული ოცნების” კანდიდატს, ლევან კობიაშილს.
ამ წუთის მონაცმებით, ნიკა მელიას აქვს 44, 76% (13 514 ხმა) ლევან კობიაშვილს 43, 94% (13 268 ხმა)
კომენტარები