ცენტრალური საარჩევნო კომისია სოციალური ქსელით შემაჯამებელი ოქმების გავრცელებასთან დაკავშირებით განცხადებას აკეთებს.
უწების სპიკერის განცხადებით, გავრცელებული საუბნო შემაჯამებელი ოქმები ე.წ. სპეციალურ უბნებს ეხება, სადაც ამომრჩეველს პროპორციული წესით უწევს ხმის მიცემა.
როგორც ცესკოს პრესპიკერმა, ანა მიქელაძემ ბრიფინგზე განაცხადა, თუკი რაიმე გადაცდომა მართლაც არსებობს, ამას საარჩევნო ადმინისტრაცია შეისწავლოს და კანონით დადგენილ ფარგლებში, მასზე რეაგირებას მოახდენს.
“პარლამენტის არჩევნები გაიმართა როგორც პროპორციული, ასევე მაჟორიტარული საარჩევნო სისტემით. შეგიძლიათ ყველა წლების მონაცემები ნახოთ – კონკრეტულ საარჩევნო უბნებზე, პროპორციული სისტემით არჩევნებში მონაწილეობას უფრო მეტი ამომრჩეველი იღებს, ვიდრე მაჟორიტარული საარჩევნო სისტემით. ჩვენ სოციალური ქსელით გავრცელებული სხვადასხვა საუბნო შემაჯამებელი ოქმები ვნახეთ, რომელთა დაკავშირებითაც გამოთქმული იყო ვარაუდი, რომ ოქმები გაყალბებული იყო. ერთ-ორ შემთხვევაში შესაძლოა, გადაცდომას ადგილი ჰქონდა, მაგრამ უმრავლეს შემთხვევაში, რა ინფორმაციაც არის გავრცელებული – ეს არის სპეციალური უბნები, რომელიც გახსნილი იყო სტაციონარულ დაწესებულებებში. აქ ხმის მიცემის პროცუდურა არის შემდეგ – პროპორციული სისტემით ნებისმიერ მოქალაქეს აქვს უფლება არჩევნებში მიიღოს მონაწილეობა! ასევე ავღანეთში, საზღვარგარეთ არჩევნები მხოლოდ პროპორციული წესით ჩატარდა“, – განაცხადა ანა მიქელაძემ.
კომენტარები