ირინა სარიშვილი სოციალურ ქსელში სტატუსს აქვეყნებს:
„არ ვიცი. რა გეგმა აქვს ოპოზიციას დღევანდელ აქციაზე. მე ჩემს აზრს დავწერ, რაც რა თქმა უნდა, არ ნიშნავს იმას, რომ სხვა პოზიციას არ მივიღებ, თუ მასში ლოგიკას, ადეკვატურობას და პერსპექტივას დავინახავ.
ჩემი აზრით, დღევანდელი რეალობის, მათ შორის, პანდემიის გათვალისწინებით, ქუჩის პერმანენტულ აქციებთან ერთად,
1. ოპოზიციამ აქცენტი უნდა გააკეთოს ამ საქმის იურიდიულ მხარეზე – არჩევნების არალეგიტიმურობაზე, რაც იმას ნიშნავს, რომ უარი თქვას ივანიშვილის დალაგებულ პარლამენტში შესვლაზე; არავითარი მეორე ტური!
2. ოპოზიციამ პროტესტის ნიშნად უნდა გამოიწვიოს საკუთარი წამომადგენლები კომისიებიდან და მოითხოვოს არსებული ცენტრალური საარჩევნო კომისიის დაშლა და მისი თავმჯდომარის სისხლის სამართლის პასუხისმგებლობაში მიცემა;
3. ოპოზიციის წარმომადგენლებისგან უნდა შეიქმნას დღესვე საგანგებო საკოორდინაციო საბჭო, რომელიც თავის თავზე აიღებს ყველა შემდგომი ნაბიჯის კოორდინაციას და ორგანიზებას.
ამჯერად ამ 3 პუნქტზე შევჩერდები.
მიხეილ სააკაშვილის ფაქტორს რაც შეეხება, დაველოდები დღევანდელ აქციას, ვნახავ რას გეგმავენ ოპოზიციის ლიდერები და შემდეგ გეტყვით, როგორც წინა სტატუსში დაგპირდით, რასაც ვფიქრობ დღევანდელ დღეს მიშას ფაქტორზე, მის მიმართ პოლიტიკური სპექტრის (და არა ხალხის) დამოკიდებულებაზე და ზოგადად მორალზე, რომელიც მინიმალური დოზით მაინც აუცილებელია პოლიტიკაში ინტელექტთან ერთად, თუ გვინდა რომ როდესმე ეს მოჯადოებული წრე გავარღვიოთ.
შევხვდებით აქციაზე დღეს 4 საათზე.“
კომენტარები