აფხაზეთის დე ფაქტო ჯანდაცვის უწყების ინფორმაციით, 12 ოქტომბერს ოკუპირებულ აფხაზეთში Covid-19 კიდევ 86 ადამიანს დაუფიქსირდა. თუმცა, უცნობია, რამდენად ზუსტია ეს მონაცემები, რადგან საქართველოს ცენტრალურ ხელისუფლებას რეგიონიდან ზუსტი ინფორმაცია არ აქვს.
ე.წ. ჯანდაცვის სამინისტროს ცნობით, ამ დროისათვის გუდაუთის საავადმყოფოში Covid-19-ის დიაგნოზით 158 ადამიანი მკურნალობს. 28 მათგანის ჯანმრთელობის მდგომარეობა მძიმეა, 34 პაციენტი საშუალო სირთულისაა, 25 — გამოჯანმრთელდა.
დე ფაქტო ჯანდაცვის უწყების განმარტებით, ჯამში კორონავირუსი 2 343 ადამიანს დაუდასტურდა, მათ შორის 854 გამოჯანმრთელდა, გარდაიცვალა — 23.
კომენტარები