„გური ამირხანაშვილი შეცვლილ ჩვენებაში ამბობს, რომ ის იძულებით ჩასვეს მანქანაში“ – ახალი დეტალები

გიორგი შაქარაშვილის მეგობრის რიგით მეხუთე ჩვენება და კიდევ ერთხელ შეცვლილი ვერსია – გური ამირხანაშვილი ამბობს, რომ ის მცხეთიდან იძულებით წამოიყვენეს თბილისში. აღსანიშნავია, რომ მან ეს პირველ ჩვენებაშიც თქვა, თუცა მომდევნო სამ ჩვენებაში ირწმუნებოდა, რომ ნახალოვკლელებმა ის მისივე სურვილით დატოვეს თბილისში.
“ამირხანაშვილი ამბობს, რომ იძულებით ჩასვეს მანქანაში… პროკურატურა არაფერს მალავს. ყველა ეს მასალა და მტკიცებულება ადვოკატებს გადაეცათ. თუმცა უშუალოდ ტელევიზიების საშუალებით და სხვა მასმედიის საშუალებით, ყველა ის მასალა, რომელიც საქმეში არის მოთავსებული და აქამდე საჯაროდ ვრცელდებოდა, ასაჯაროებდნენ ადვოკატები თუ ჟურნალისტები. ეს პროცესი ხელს უშლის გამოძიებას. შესაბამისად, ის მოწმეები რომლებიც მოდიოდნენ დასაკითხად, იცოდნენ რა გარემოებების ირგვლივ იკითხებოდნენ, წინასწარ ემზადებოდნენ ამ ყველაფრისთვის და შესაბამისად, ეს გარემოებები მნიშვნელოვნად უშლიდა ხელს გამოძიებას. აქიდან გამომდინარე, კონკრეტულად მოცემულ სისხლის სამართლის საქმეზე საჭირო გახდა, რომ შეზღუდულიყო ინფორმაცია“, – ამბობს პროკურორი დავით ყაზარაშვილი.

„ნიუპოსტი„