ავტონაწილებით ვაჭრობა საცალო ბიზნესის ერთ-ერთი ყველაზე სპეციფიკური და რთული სფეროა. აქ ასორტიმენტი ხშირად ათიათასობით დასახელებას ითვლის, ნაწილები კი ერთმანეთს რთული კოდებით ენაცვლება. სტანდარტულმა სალარო პროგრამამ, რომელიც მარტივ მაღაზიებზეა გათვლილი, ასეთ დატვირთვას შესააძლოა ვერ გაუძლოს. iCash.ge გთავაზობთ ავტოინდუსტრიის საჭიროებებზე მორგებულ სავაჭრო სისტემას, რომელიც დეტალების მოძიებას, საწყობის მართვასა და გაყიდვების პროცესს მაქსიმალურად ამარტივებს.
დეტალების სწრაფი მოძიება კოდებითა და ანალოგებით
ავტონაწილების მაღაზიაში მომხმარებლის მომსახურების სისწრაფე პირდაპირ კატალოგის მოქნილობაზეა დამოკიდებული. iCash-ით პროდუქტის მოძიება წამებშია შესაძლებელი ნებისმიერი პარამეტრით: ქარხნული კოდით (OEM), მწარმოებლის არტიკულით, შტრიხკოდით ან ავტომობილის მარკისა და მოდელის მიხედვით.
სისტემა ეკრანზე მყისიერად ასახავს ნაშთს. არის თუ არა ნაწილი ადგილზე, რომელ ფილიალში მოიძებნება და რა არის მისი ზუსტი ფასი. ეს კონსულტანტს ზედმეტი დროის კარგვისგან ათავისუფლებს, ამცირებს შეცდომებს შეკვეთის გაფორმებისას და მომხმარებლის სწრაფ მომსახურებას უზრუნველყოფს.
საწყობის ზუსტი აღრიცხვა
იმის გათვალისწინებით, რომ საწყობში უამრავი სხვადასხვა პატარ-პატარა ნივთია, ძალიან მარტივად შეიძლება შეიქმნას ქაოსი. iCash-ის მოდული საშუალებას გაძლევთ, თითოეულ ნაწილს მიანიჭოთ ზუსტი ადგილი: სექტორი, თარო და კონკრეტული ყუთი.
როდესაც გამყიდველი ეკრანზე დეტალს ირჩევს, ის მაშინვე ხედავს მის ზუსტ ლოკაციას და მარაგის ოდენობას როგორც ადგილზე, ისე ცენტრალურ საწყობსა თუ სხვა ფილიალებში. შედეგად, თანამშრომელი აღარ კარგავს დროს საწყობში ნაწილის ძებნაზე, რიგები მცირდება და მომხმარებელი სასურველ ნივთს რამდენიმე წუთში იღებს.
ფასების მართვა
ავტონაწილების ბიზნესს უმეტესად ორი განსხვავებული ტიპის მომხმარებელი ჰყავს – რიგითი ავტომფლობელები და მუდმივი პარტნიორები (ხელოსნები, პროფილაქტიკები ან კორპორაციული ავტოპარკები). iCash-ში მარტივად ყალიბდება ფასწარმოქმნის მრავალშრიანი სისტემა. პროგრამა საშუალებას გაძლევთ, კონკრეტულ B2B კლიენტებს ინდივიდუალური საბითუმო ფასები, დაგროვებითი ფასდაკლებები ან პირადი საკომისიოები დაუწესოთ. ამასთან, სისტემა ზუსტად აკონტროლებს კონსიგნაციას, გადავადებულ გადახდებსა და პარტნიორებთან ანგარიშსწორების ისტორიას, რაც გამორიცხავს გაურკვევლობასა და ფინანსურ დანაკარგს.
დაბრუნებებისა და გარანტიების კონტროლი
ამ სფეროში ავტომობილის ნაწილების დაბრუნება ან გადაცვლა ჩვეულებრივი მოვლენაა. ზოგჯერ დეტალი ავტომობილს არ ერგება, ზოგჯერ კი ხელოსნის მოთხოვნა იცვლება. iCash-ში დაბრუნების პროცედურა მაქსიმალურად გამარტივებულია. ჩეკის ან კლიენტის ისტორიის საფუძველზე ოპერაცია წამებში შეიძლება შესრულდეს და საწყობის ნაშთი ავტომატურად გასწორდეს.
გარდა ამისა, სისტემა უზრუნველყოფს საგარანტიო ტალონების დაბეჭდვას ძვირადღირებულ აგრეგატებზე (მაგალითად, აკუმულატორებსა და ამორტიზატორებზე), რაც მომსახურების სანდოობას ზრდის და მომავალში საგარანტიო პრეტენზიების გარჩევას ამარტივებს.
შეჯამება
ავტონაწილების მაღაზიის წარმატება ოპერატიულობასა და ზუსტ აღრიცხვაზეა დამოკიდებული. iCash.ge-ის სპეციალიზებული POS პროგრამა აგვარებს რთული კატალოგების მართვას, ამცირებს პერსონალის შეცდომებს და სრულად აწესრიგებს სასაწყობო პროცესებს. დანერგეთ თანამედროვე ტექნოლოგია თქვენს მაღაზიაში, მართეთ მარაგები უშეცდომოდ და აქციეთ თქვენი ობიექტი მომხმარებლისთვის სანდო ავტოცენტრად.
(R)
კომენტარები