“ეხლა მაქვს თავისუფლად საუბრის საშუალება”– მდინარაძე ღარიბაშვილის წერილებზე

ქართული ოცნების რეგიონალური განვითარების უკვე ყოფილი მინისტრი, მამუკა მდინარაძე, რომელმაც დღეს განაცხადა, რომ თანამდებობიდან და პოლიტიკიდან მიდის, ყოფილი პრემიერის, ციხეში მყოფი, ირაკლი ღარიბაშვილის წერილებზე და ბრალდებებზე დასმული კითხვის პასუხად, ამბობს:

სერიოზულად გითხრათ? აი, აბსოლუტურად თანაგრძნობის პოზიციიდან გითხრათ? არანაირ კავშირში არ არის, არანაირ კავშირში არ არის. ერთ რამეს გეტყვით: წერილი ღარიბაშვილის კი არა, არავისთვის არ გამიგზავნია, მესიჯი თუ არ ჩაითვლება, სატელეფონო. არავისთვის, ცხოვრებაში არანაირი წერილი არ გამიგზავნია, არანაირი, არასდროს.

ანუ წერილი რომ გამომიგზავნაო, ხო თქვა?

რა წერია იმ წერილში, რაც გამოქვეყნდა, წაკითხული გაქვთ? ანუ ის ჩემი მხარდამჭერის პოზიციიდან ლაპარაკობდა, ხო? ის წერილი ჩემი ყოფილიყო. დავანებოთ თავი… აი, მივყვეთ ლოგიკას, ეხლა მაქვს თავისუფლად საუბრის საშუალება. მხარდამჭერის პოზიციიდან არის წერილი დაწერილი, ხო? მამუკა მდინარაძე რანაირად შეიძლებოდა ყოფილიყო? აი, სად არის ლოგიკა, აბა თქვენ მიხსენით.

“ჩვენ ორი გზა გვაქვს“ და რაღაცეები ეწერა, ხო? „ან უნდა ვიბრძოლოთ ბოლომდე…“ მამუკა მდინარაძე წერდა: „ვიბრძოლოთ ბოლომდეო“? სერიოზულად უყურებთ ამ საკითხს თქვენ, თუ რაშია საქმე?

არავითარი წერილი არ გამიგზავნია, არავითარი. აი, პირდაპირ გეუბნებით: მსგავსი საკითხებით მე არასდროს ვყოფილვარ დაკავებული, მით უმეტეს, მით უმეტეს, წერილი ჩემს ცხოვრებაში არ გამიგზავნია არავისთვის.

აბსურდია, რასაც ღარიბაშვილი წერს. 

ყოფილ თანამდებობის პირს რომ ჰკითხავდნენ, რაღაცა აღიარებითი ჩვენება ეგრეთ წოდებული რომ არის, ამის შესახებ ინფორმაცია მიეღო ყოფილ პრემიერს, ეს გიკვირთ თქვენ?

ზედაპირული ვარაუდი შეიძლება გამოვთქვათ, რომ ვიყავი ის ადამიანი, ვინც ერთი წამით უკან არ დახეულა კორუფციასთან ბრძოლაში და თუკი ვინმე განაწყენებულია იმაზე, რომ სუსი აკავებდა ადამიანს კორუფციაზე, კორუფციულ დანაშაულზე, მაშინ, როდესაც მამუკა მდინარაძე იყო სუსის უფროსი, შეიძლება ამასაც მივაწეროთ, მაგრამ მე არა ვარ ამაში დარწმუნებული, ეს საიდანღაც ასე იყო, შეიძლება ვიღაცას მამუკა დაბრკოლებად მოეჩვენა… მოეჩვენა მას შემდეგ, რაც იმ თანამდებობაზე აღარ იყო, ან შეიძლება ივარაუდა ეს,,, და ასე შემდეგ, დავუშვათ, ხო? მაგრამ ესეც ზედაპირული ვარაუდია…