როდის გადაიყვანენ ელენე ხოშტარიას კლინიკაში?

პენიტენციური სამსახური ელენე ხოშტარიას გამოკვლევებზე კლინიკაში გადაყვნას დათანხმდა.

ამის შესახებ განცხადება სპეციალური პენიტენციური სამსაურის უფროსმა, გიორგი პატარიძემ 5 – საათიანი შეხვედრის დასრულების შემდეგ გააკეთა:

მინდა ხაზგასმით აღვნიშნო, რომ მსგავსი სპეკულაციები, რომელიც ამ დღეების განმავლობაში სამწუხაროდ გრძელდებოდა და მიმდინარეობდა ბრიფინგებით საუბარი, ეს თითოეულ ბრალდებულ/მსჯავრდებულზე ზოგადად აისახება ძალზედ უარყოფითად. მას შემდეგ, რაც ჩვენ მოვითხოვეთ სპეციალიზირებულ ექიმთან შეხვედრა და სწორედ გახსოვთ ჩემი სიტყვები, რომ მოხარული ვიქნები, თუ გადავალთ ჯანსაღ კომუნიკაციაზე და შესაბამისად დინამიკაში ავსახავთ პროცესებს, მას შემდეგ გასულია ზუსტად ორი დღე და პრაქტიკულად ჩვენ მივედით გადაწყვეტილებამდე, რომელიც პირველ რიგში, არის მსჯავრდებულ ელენე ხოშტარიას საუკეთესო ინტერესებიდან გამომდინარე. ჩვენ ასევე აღვნიშნავდით ამ დღეების განმავლობაში, რომ სწორედ დაინტერესებულმა მხარემ მოგვაწოდა ინფორმაცია, რომ მათ ეჭვი ჰქონდათ კონკრეტულ დაავადებაზე და ჩვენ განვაცხადეთ არაერთხელ, რომ შესაბამისი ლაბორატორიული კვლევები იქნა ჩატარებული კონკრეტულად ამ დაავადების მიმართულებით და გახსოვთ ჩემი სიტყვები, რომ საბედნიეროდ მას ეს დაავადება არ დაუფიქსირდა. 

ჩვენ შევთანხმდით ქალბატონ მაკა იოსელიანთამ და ანი ქავთარაძესთან, რომ როგორც ჩვენი მსჯავრდებულის ინტერესების გამომხატველები სამედიცინო მიმართულებით, ანუ მისი ექიმები, ჩვენ თანახმა ვართ, რომ მსჯავრდებული ხოშტარია გადავიყვანოთ სამოქალაქო სექტორის კლინიკაში, ეს არის კლინიკა “ვივამედი”, რომელთანაც პენიტენციურ სამსახუ4რს გააჩნია ხელშეკრულება. შესაბამისად, კლინიკა “ვივამედში” ქალბატონი ანას და ქალბატონი მაკას მეთვალყურეობით მსჯავრდებული ხოშტარია გაივლის შესაბამის დამატებით კვლევებს. დაახლოებით 2 დღეში გადავა კლინიკაში,”