სამოქალაქო აქტივისტი, სალომე სიმონია:
74%-ით გაზრდილია კიბოს ახალი დიაგნოზის ოდენობა, ბოლო 15 წელში და ამას ყოველწლიურად მზარდი ტენდენცია აქვს. (საქსტატის მონაცემი)
2024 წელს, 13 043 ახალი დიაგნოზი დაისვა.
გუშინ კი, სარჯველაძემ დიდი სიამაყით თქვა, რომ ონკოლოგიის დაფინანსება 400 მილიონ ლარამდე გავზარდეთ და ეს ხარჯები უწყვეტად იზრდებაო.
დაავადებათა კონტროლის ეროვნული ცენტრი წერს, რომ საერთაშორისო შეფასებით, 2018-2030 წლებში საქართველოში კიბოს ახალი შემთხვევები 6%-ით მოიმატებს.
საქართველოდან საზღვარგარეთ მკურნალობის მიზნით წელიწადში, საშუალოდ 50 000-ზე მეტი ვიზიტი ხორციელდება. (სასაზღვროს მონაცემებით)
ოფიციალურად, 2022-2025 წლებში, საქართველოდან ევროპაში მხოლოდ მკურნალობის მიზნით 26 987 ვიზიტი აღირიცხა. ნაწილი თურქეთში მიდის.
სარჯველაძემ: “ჩვენი მიზანია, მაქსიმალურად შემცირდეს აღქმა იმისა, რომ საზღვარგარეთ მკურნალობა აღემატება იმას, რაც ხელმისაწვდომია საქართელოშიო.”
ამ დროს, ოცნების ჩინოვნიკები საკუთარი და ოჯახის წევრების ჯანმრთელობას ევროპას ანდობენ.
ათეულობით მათგანს დეკლარაციაშივე მითითებული აქვს, რომ სამკურნალოდ ევროპის ქვეყნებში მიდიან. შვილებსაც ხშირად იქ აჩენენ, ასწავლიან და სახლებსაც იქ ყიდულობენ.
კომენტარები