სტუდია “მონიტორმა“ აქციზის და საგადასახდო კოდექსში ცვლილებების შესახებ მასალა მოამზადა, რომლის მიხედვითაც, არსებობს ეჭვი, რომ ცვლილებები ბიზნესმენ ვანო ჩხარტიშვილზეა მორგებული, რადგან ერთ-ერთი მსხვილი კომპანია, რომელიც საქართველოში სიგარეტს აწარმოებს, მისი ოჯახის საკუთრებაა.
2026 წლის 1 იანვრიდან თამბაქოს ბაზარზე ახალი რეალობა დადგა. კანონმდებლებმა გადაწყვიტეს, რომ იმპორტირებული და ადგილობრივი პროდუქცია ერთმანეთისგან საგადასახადო განაკვეთით გამიჯნონ:
იმპორტირებული სიგარეტზე აქციზის გადასახადი 85 თეთრით გაიზარდა (1.30-დან 2.75 ლარამდე). ადგილობრივი წარმოების სიგარეტზე კი 60 თეთრით შემცირდა (1.9-დან 1.3 ლარამდე).
როგორც გაირკვა, სიგარეტს ერთი კომპანია, სს „თბილისის თამბაქო“ აწარმოებს, მისი ბრენდი „პირველი“ ბაზარზე გაყიდვადი პროდუქტია.
„თბილისის თამბაქო“ ბიზნესმენ ვანო ჩხარტიშვილის ოჯახის საკუთრებაა. კომპანიის 2023-2024 წლების ფინანსური ანგარიშგებების თანახმად, აქციების 50-50%-იან წილებს მისი შვილები, მიხეილ და ნათია ჩხარტიშვილები ინაწილებენ.
ფინანსური ანგარიშებიდან ჩანს, რომ კომპანიის შემოსავლები მაღალია:
- 2022 წელი: 19,7 მილიონი ლარი (წმინდა მოგება).
- 2023 წელი: 11.7 მილიონი ლარი (წმინდა მოგება);
- 2024 წელი: 14.7 მილიონი ლარი (წმინდა მოგება).
კომენტარები