მთავარეპისკოპოსი ზენონი TV ფორმულასთან, ამბობს
“რუსეთის კანდიდატი არ იყო, მაგრამ რუსეთი უჭერს მას მხარს, ამას მე ყოველთვის ვიტყვი. ეს იმას როდი ნიშნავს, რომ ჩვენ ეს ერთმანეთში ავურიოთ, რომ ვთქვათ სად მიდის აქ საქმე, ლოგიკა, რომ აგენტი შემოიყვანა? არ არის ასე. ჩემი ხმა არა აქვს მეუფე შიოს, ამაში არაფერი არ მაქვს დასამალი, ეს შესანიშნავად იცის მეუფე შიომ, ეს იმას როდი ნიშნავს, რომ მე მასთან ურთიერთობა არ შემიძლია ან მას არ უნდა შეეძლოს”
28 აპრილს სინოდმა 3 საპატრიარქო კანდიდატი გამოარჩია: საპატრიარქო ტახტის მოსაყდრე მიტროპოლიტი შიო მუჯირი, ფოთისა და ხობის მიტროპოლიტი გრიგოლ ბერბიჭაშვილი და მროველ-ურბნელი მიტროპოლიტი იობ აქიაშვილი. მეუფე შიომ 20 ხმა, დანარჩენმა ორმა კანდიდატმა კი 7-7 ხმა მიიღო. ამ სამი კანდიდატიდან ერთ-ერთს საქართველოს მართლმადიდებელი ეკლესიის გაფართოებულ კრებაზე სრულიად საქართველოს კათოლიკოს-პატრიარქად აირჩევენ. ოფიციალურად უცნობია კონკრეტული თარიღი, თუმცა საქართველოს მართლმადიდებელი ეკლესიის მართვა-გამგეობის დებულების მიხედვით, კრება 17 მაისამდე უნდა ჩატარდეს
კომენტარები