პოლონეთში საქართველოს მოქალაქე – ახალგაზრდა კაცი მოკლეს, ინფორმაციას ქვეყნის პროკურატურა ავრცელებს და წერს, რომ 38 წლის კაცს 25 აპრილის ღამით ქალაქ გორჟოვ-ველკოპოლსკიში სასიკვდილოდ სცემეს.
“სამი პირი ქუჩაში სეირნობდა და ალკოჰოლს მოიხმარდა, რა დროსაც ორმა მათგანმა ახალგაზრდა კაცს ფიზიკური შეურაცხყოფა მიაყენა და მას სხეულის სხვადასხვა არეში, მათ შორის თავზე, მუშტებითა და წიხლებით სცემეს”, – აცზადებს ის.
უწყების ინფორმაციით, მიყენებული დაზიანებების შედეგად კაცი ადგილზე გარდაიცვალა.
პროკურატურის ცნობით, გამოძიება სისხლის სამართლის კოდექსის 158 3 მუხლით დაიწყო, რაც გულისხმობს ცემას, რომელმაც ადამიანის სიკვდილი გამოიწვია.
ბრალდებულებს ამჟამად სამთვიანი წინასწარი პატიმრობა აქვთ შეფარდებული, დანაშაულის დამტკიცების შემთხვევაში მათ 15 წლამდე პატიმრობა ემუქრებათ
კომენტარები