აღმოჩენილია 75 ანგარიში, რომელიც სოციალურ ქსელ „ფეისბუკში“ დიუშენის კუნთოვანი დისტროფიის მედიკამენტის შესახებ სახელისუფლებო პოზიციას იწონებენ და ეჭვქვეშ აყენებენ პრეპარატის უსაფრთხოებასა და ეფექტიანობას.
კვლევამ აჩვენა რომ: დიუშენის სამკურნალო პრეპარატებზე სახელისუფლებო გზავნილებს AI-გენერირებული ტროლები, ასევე ის ყალბი ანგარიშები იწონებენ, რომლებიც ძირითადად რუსული სოც.ქსელების მომხმარებლების ფოტოებს იპარავენ.
- ორგანიზაციამ მსგავსი აქტივობა შენიშნა პროსახელისუფლებო „რუსთავი 2“-ის „ფეისბუკში“ 20 და 23 აპრილს გამოქვეყნებულ პოსტებში.
„მედიის განვითარების ფონდის” კვლევით ირკვევა, რომ ტროლები აქტიურობდნენ ორი მიმართულებით:
- სამეცინიერო კვლევაზე (ვირთაგვაზე შექმნილი მოდელი და ექსპერიმენტული მედიკამენტის ტესტირება);
- „ქართული ოცნების“ გენერალური მდგივნისა და თბილისის მერის, კახა კალაძის განცხადებაზე, რომელითავ ეჭქვეშ იყო დაყენებული მედიკამენტის უსაფრთხოება და ეფექტიანობა.
MDF-ის კვლევაში 75 ყალბი ანგარიში რამდენიმე ნიშნით არის დაჯგუფებული:
- „75 ყალბი ანგარიშიდან 47 ხელოვნური ინტელექტის მიერ გენერირებულ იდენტურ ფოტოს მცირედი მოდიფიცირებით იყენებს, 28 ანგარიში კი სხვადასხვა სოციალურ ქსელში რეგისტრირებული მომხმარებლების ფოტოებს იყენებს“;
- „ამ 28 ანგარიშიდან 17 „მითების დეტექტორის“ მიერ წარსულში გამოვლენილ დისკრედიტაციის კამპანიებშიც იყო ჩართული“;
- „75 ანგარიშიდან 47-ს პროფილის ფოტო 2026 წლის აპრილში აქვს ატვირთული, 26-ს კი 2025 წელს, რაც ანგარიშის შექმნის თარიღთან უნდა იყოს დაკავშირებული“;
- „75 ანგარიშიდან 70-ს სამუშაო ადგილად საქართველოში არსებული სხვადასხვა კომპანია აქვს მითითებული“.
„პოსტებზე ხელოვნურად შექმნილი ჩართულობა აჩენს ეჭვს, რომ საქმე გვაქვს კოორდინირებულ არაავთენტურ ქცევასთან, რომლის ძირითადი მიზანი ონლაინ აქტივობის ხელოვნურად გაზრდაა. იმ ანგარიშების პროფილების ფოტოები, რომლებიც ამ პოსტებს „იწონებენ“, არა რეალური ადამიანები, არამედ, სავარაუდოდ, ხელოვნური ინტელექტის გამოყენებით შექმნილი პროფილებია. მიუხედავად იმისა, რომ ასეთი სურათები რეალისტურ შთაბეჭდილებას ტოვებს, მათში შეინიშნება განმეორებადი ვიზუალური ნიშნები“, – აცხადებს ორგანიზაციაში.
კვლევა სრულად
კომენტარები