“ეს კაცი ამ ჩამოფასებული, უვარგისი მასის ყიდვას სთავაზობს თავის მოქალაქეებს”– ლორთქიფანიძე

პოლიტოლოგი, ლევან ლორთქიფანიძე:

აზრზე არ არის, რომ ნახევარი კილოგრამი ხორცი საშუალო ზომის ოჯახს ერთი სადილის მოსამზადებლადაც არ ეყოფა.

დაგვცინის, როდესაც პროდუქტის ფასს ნახევარი კილოგრამის ღირებულებით ადგენს… დემაგოგიური, იაფფასიანი მეტროლოგია.

ალბათ, ბავშვობაშიც კი პურზე არ გაუგზავნიათ გასტრონომში. კაცმა არ იცის, ბოლოს მაღაზიის კარი როდის შეაღო! ბაზარში წასვლისგან, დაიფაროს ღმერთმა!

მისგან განსხვავებით ყველა ნორმალურმა ადამიანმა იცის, რომ დედაქალაქში საქონლის 1 კგ. ოდნავ ხარისხიანი ხორცის საყიდლად 27, 28, 29 ლარია საჭირო… მაღალხარისხიანისთვის კი შეიძლება 42, 43 ლარიც არ გეყოს…

ირაკლი კობახიძის განცხადებაში კი ყველაზე შემზარავი მისი მიდგომაა.

ხანდახან ზოგიერთ სუპერმარკეტში იყიდება ხორცსაკებ მანქანაში გატარებული ნარჩენები, ერთ მასად ქცეული… ვარგისიანობის ვადის ამოწურვამდე ერთი-ორი დღით ადრე ამ რაღაცას ჩამოაფასებენ ხოლმე. ისეთი საზიზღრობაა, რომ “გოჭს” (ჩვენი ეზოს ძაღლს) არც დავანახებ…

ეს კაცი კი ზუსტად ამ ჩამოფასებული, უვარგისი, ვადის გასვლის ზღვარს უკიდურესად მიახლოებული, ნარჩენების შეერთებისგან მიღებული მასის ყიდვას სთავაზობს თავის მოქალაქეებს.

მას სხვისი შვილებისთვის ემეტება ის პროდუქტი, რომელსაც საკუთარ შვილებს არასდროს აჭმევს.