,,ერი და სახელმწიფოს” დამფუძნებელი, ზვიად ტომარაძე:
,,დღეს სოფელ შულავერში აქცია გაიმართა, აქციის მონაწილეები აცხადებენ, რომ ქვეყანაში შემოსული ირანული და თურქული ბოსტნეულით ბაზარი გაივსო და ამის გამო საკუთარ ადგილობრივ პროდუქციას ვერ ასაღებენ!!!
აბსოლუტურად ყველა ქვეყანა იცავს საკუთარ მწარმოებლებს, მხოლოდ საქართველოს ხელისუფლებას ჰკიდია ფეხებზე საკუთარი მწარმოებელიც და მოსახლეობაც!
5 დღის წინ ვენახებსაც მიადგნენ, სოფლის მეურნეობის მინისტრის სონღულაშვილის 24 აპრილის ბრძანებით:
საკუთარ მიწაზე ვენახს ვეღარ გააშენებთ, თუ:
1. არ წარადგინეთ განაცხადი;
2. მიწაზე საკუთრების/სარგებლობის უფლება;
3. საკადასტრო რუკა;
4. ნიადაგის სრული ანალიზი;
5. ლიცენზირებული სანერგედან ნერგის შეძენის ინვოისი.
ესაა ანტიეროვნული ხელისუფლება და მისი მხარდაჭერა წლების შემდეგ ძალიან სამარცხვინო იქნება!
P. S. სხვათაშორის დავით სონღულაშვილი, მინისტრობამდე, პარლამენტში აგრარული კომიტეტის თავმჯდომარე იყო, 2022 წელს პარლამენტში “სასურსათო უსაფრთხოებაზე” კანონპროექტი რომ შევიტანე უარი გვითხრა და მხარი არ დაუჭირა საქართველო თვითკმარი ქვეყანა რომ გამხდარიყო…“
შეგახსენებთ, შულავერში, ადგილობრივი ფერმერები დღეს დილიდან შეიკრიბნენ და პროდუქციის რეალიზაციასთან დაკავშირებული პრობლემების გამო მარნეულის მერთან, დაურ ისმაილოვთან შეხვედრას ითხოვდნენ.
მიუხედავად აქციის მონაწილეთა მოთხოვნისა, მერი ადგილზე არ მივიდა, რამაც სიტუაციის დაძაბვა და მაგისტრალის გადაკეტვის მცდელობა გამოიწვია. ამის გამო ორი პირი დააკავეს, რომლებიც ადგილობრივების პროტესტის ფონზე, უკვე გაანთავისუფლეს.
კომენტარები