თეოლოგი, გიორგი ტიგინაშვილი:
მოსაყდრე შიოს წინააღმდეგ გრიგოლ ბერბიჭაშვილის დაყენება იქნება ყველაზე უფრო იოლი და მოკლე გზა შიოსათვის კათოლიკოს-პატრიარქობის ტახტზე უპრობლემო აღსაყდრებისათვის. თუ ეს მაინც მოხდება და ოდიოზურ თუ ბანკროტ გრიგოლს ე.წ. “ოპოზიციური” ფრთა ყველაფრის მიუხედავად კანდიდატად დაასახელებს, ამით, მავანნი ხელს მოაწერენ შიოს უპირობო გამარჯვებას, რაზედაც პასუხისმგებლობა თითოეულ ოპოზიციონერს დაეკისრება. ვინ უნდა ინატროს შიომ ოპონენტად ამაზე უფრო აუთსაიდერი, როგორიც გრიგოლია. სამაგიეროდ ძალიან გაუჭირდება დანიელის და ისაიას დამარცხება, რომელთაც არაერთი კომპონენტით საგრძნობი უპირატესობა აქვთ სხვა კანდიდატებთან შედარებით.
ზოგადად კი მემკვიდრეობა იმდენად კატასტროფულია რომ ზოოლოგების პრეროგატივა უფროა – იმსჯელონ ფაუნაში წარმოდგენილ კანდიდატთა “ღირსებებზე”.P.S. სხვათაშორის, მედიის დესტრუქციული და მავნებლური როლიც ამ პროცესში საკმაოდ მაღალია, განსაკუთრებით მაშინ როცა უკანასკნელ ნაძირლებსა და ჰედონისტებს მარტო იმის გამო აპიარებენ და ეთერებში ენისმოჩლექით ეთაყვანებიან, რომ ისინი “პროდასავლურობანას” თამაშობენ.
გიორგი თარგამაძის აბსოლუტურად არაკომპეტენტური, ანგაჟირებული და არაგულწრფელი კომენტარები ხომ ცალკე აღებული უნამუსობა და სირცხვილია, როცა ილია მეორეს “პროდასავლელად, პატრიოტ მამულიშვილად, მსოფლიო რანგის მოღვაწედ და საუკუნის პიროვნებად” წარმოაჩენს, თავისი პათეტიკური ინტონაციითა თუ ინფანტილური სიბრიყვით.
კომენტარები