“სამართალი სქესით არ დგება” – “საფარის” განცხადება და ჟორჟოლიანის პასუხი

უმძიმესი ბრალია ერთის მხრივ და მეორეს მხრივ უმძიმესი, სავარაუდო დაზარალებული, უმძიმესი თემით. მყავს ორი გოგო და ღმერთმა დამიფაროს, მაგრამ შესაძლოა გახდეს ძალადობის მსხვერპლი. ყველა კაცი მინდა მოკვდეს, ვინც ქალზე ძალადობს, სულ რომ საბა კოდუა იყოს, ყველა კაცი, ვინც ქალზე ძალადობს, მინდა მოკვდეს, მეორეს მხრივ, მყავს შვილი საბა, რომელსაც შეიძლება ერთ დღეს წაუყენონ გამოუსწორებელი ბრალი, ისეთი ბრალი, რომელზედაც სულ რომ საკუთარი სიმართლე დაამტკიცოს, რომ დაამტკიცოს რომ მოძალადე არ არის და ეს არ ჩაუდენია, მისი ცხოვრება აღარასოდეს აღარ იქნება ისეთი, როგორიც იყო გუშინ, ეს ისეთი თემაა, რომელიც სამუდამოდ გცვლის და შენს ცხოვრებას ვეღარასოდეს ვერ ხდის ძველებურს. ამ საქმეში ერთადერთი სწორი გამოსავალი არის საჯაროობა. ღია მოყოლა ამბის. მტკიცებულებებზე, ასეთის არსებობის შემთხვევაში, რაც ბუნებრივია გოგოს ანონიმურობას არ დაარღვევს – მიმოწერები, ვოისები, ვიდეოები, – ყველაფერი უნდა იყოს საჯარო.

საფარმა გაავრცელა განცხადება, სადაც გვეუბნება, რომ დავიცვათ ანონიმურობა გოგოს და მისი პერსონალური ინფორმაცია არ გავაჟღეროთ, თუმცა, პირველ აბზაცში აჟღერებს ბიჭის პერსონალურ მონაცემებს, როდესაც წერ ლ.ჭ.–ს. – არ არის რთული გამოსაცნობი ვის გულისხმობ, როდესაც ბოლო 4 დღეა ლუკა ჭოხონელიძის მიმართ ისმის ბრალდება, რომ მან გოგო გააუპატიურა. ეს არ არის სწორი სტანდარტი და მე ვფიქრობ, რომ სამართალი სქესით არ დგება. სამართალი დგება სამართლიანობით. მე მესმის ურთულესი სტატისტიკური მონაცემები, მესმის ყველა გამოწვევა, მაგრამ ეს იმას არ ნიშნავს, რომ ეს იყოს მთავარი გადამწყვეტი, როდესაც საქმე ეხება გაუპატიურებას. 

ამ თემაზე დუმილი ფიზიკურად ვერ იქნება. ნებისმირი დეტალი საზოგადოებამ უნდა იცოდეს და კითხვები არ უნდა დარჩეს. 

ყველაზე მნიშვნელოვანი არის ამ დროს თანამშრომლობა გამოძიებასთან და თანამშრომლობა საზოგადოებასთან, იმიტომ რომ ამ ქვეყანაში ზოგადად ასეთი პრაქტიკაა, განაჩენი მხოლოდ სასამართლოს არ გამოაქვს, განაჩენი გამოაქვს ხალხსაც და ამიტომაც ხალხმა უნდა იცოდეს ყველაფერი, რაც კი იარსებებს ბუნებაში ამ საქმესთან დაკავშირებით და ეს ასეც იქნება.