“შიგნით აქცია, გარეთ სანქცია” – რაზე ესაუბრა გვარამია ბრიტანეთის ელჩს?

ოპოზიციური ალიანსის დიდი ბროტანეთის ელჩთან შეხვედრას “კოალიცია ცვლილებისთვის” ლიდერი ნიკა გვარამია წარმატებულად აფასებს.

ჩვენ შევხვდით საერთაშორისო წარმომადგენელს, ამიტომ, ბუნებრივია, რომ  განსაკუთრებით აღსანიშნავია დიდი ბრიტანეთი იმ თვალსაზრისით, რომ მისი სანქციები ყველაზე ქმედითი გამოდგა და შესაბამისად, ამის გაგრძელება ძალიან მნიშვნელოვანია. თქვენ იცით, რომ ალიანსს ნათქვამი აქვს: “შიგნით აქცია, გარეთ სანქცია” და ასევე ალტერნატივის შეთავაზება. მე ვფიქრობ, რომ ამ მიმართულებითაც დღევანდელი შეხვედრა იყო წარმატებული. დიახ, ჩვენ ვართ ალტერნატივა, – ამბობს გვარამია.