“ფასების კომისიას” უცბად ჯადოსნური ჯოხი არ გვაქვს – წილოსანი

“ქართული ოცნების” წევრის, ნინო წილოსანის განცხადებით, პარლამენტში შექმნილ ფასების დროებით კომისიას “ჯადოსნური ჯოხის მოქმედების პრინციპის შესაძლებლობა არ აქვს”.

“ფასების კომისია დადებს თავის დასკვნას და შესაბამისად იქნება ჩვენი მხრიდან რეკომენდაციები გაცემული. არც ამაზე მეტი და არც ამაზე ნაკლები ფასების კომისიას არ მოეთხოვება და ეს თქვენ ძალიან კარგად იცით. დროებით კომისიას არ აქვს უცბად ჯადოსნური ჯოხის მოქმედების პრინციპის შესაძლებლობა, ჩვენ გავცემთ რეკომენდაციებს, თუ საჭიროა ჩვენ ვაიინიცირებთ საკანონმდებლო ცვლილებებს, რომლებიც უკავშირდება საკონტრაქტო პირობებს, უსამართლო ურთიერთობას მხარეებს შორის და ა.შ., თუმცა ძირითადი დატვირთვა არის აღმასრულებელ ხელისუფლებასთან.”