სილქნეტი მომხმარებლებს განახლებულ ციფრულ გამოცდილებას სთავაზობს. პლატფორმები: Silk Go და MYVIDEO გაერთიანდა და შეიქმნა ახალი ერთიანი ციფრული სივრცე, სადაც მაყურებელს მრავალფეროვან კონტენტზე აქვს წვდომა. სერვისით სარგებლობა შესაძლებელია როგორც აპლიკაციის, ისე ვებ ვერსიის გამოყენებით.
განახლებული Silk Go აერთიანებს ტელევიზიას, ვიდეოებს, ფილმებს, სერიალებსა და თავად მომხმარებლების მიერ შექმნილ კონტენტს (UGC). განახლებული ინტერფეისი და ინოვაციური ფუნქციები პლატფორმის გამოყენებას მაქსიმალურად ამარტივებს.
Silk Go-ს მომხმარებლებს წვდომა აქვთ HD ხარისხის სტრიმინგზე, რომელიც მოიცავს 150-ზე მეტ ქართულ და უცხოურ შემეცნებით, გასართობ, საინფორმაციო, სპორტულ და კინო არხს. მათ შორის Euronews Georgia-ს, Silk-ის ყველა არხს, Silk Sport-ის არხებს, სადაც მაყურებელს შესაძლებლობა აქვს, თვალი ადევნოს წამყვან სპორტულ ღონისძიებებს, მათ შორის ჩემპიონთა ლიგას, ევროპის ლიგას, ლა ლიგას, NBA-ს და სპორტის სხვა სახეობის ჩემპიონატებს.
სატელევიზიო არხების გარდა, აპლიკაციაში უფასოდ ხელმისაწვდომია სილქ ტივის ვიდეოთეკა: „National Geographic საქართველოს“ ლექციების ჩანაწერები და „NG საქართველოს“ რჩეული სტატიების აუდიოვერსიები.
განახლებული Silk Go მომხმარებლებს ახალ ინტერაქტიულ შესაძლებლობასაც სთავაზობს- შექმნას საკუთარი საავტორო ვიდეოები, რომლებსაც უფასოდ ატვირთავს პლატფორმაზე და გაუზიარებს აუდიტორიას. მომხმარებლებს შეუძლიათ მარტივად მოძებნონ თემატური კატეგორიები, არხები და კრეატორები, გამოიწერონ სასურველი გვერდები, შექმნან ბრენდირებული არხები, პირდაპირი ეთერის დროს ჩაერთონ დისკუსიებში, დატოვონ კომენტარები, მიიღონ რეკომენდაციები და გაუზიარონ თავიანთი გამოცდილება სხვა მომხმარებლებს.
განახლებული Silk Go უკვე ხელმისაწვდომია — მომხმარებლებს შეუძლიათ ჩამოტვირთონ აპლიკაცია ან ვებ ვერსიით მიიღონ მაღალი ხარისხის მრავალფეროვანი კონტენტი ერთ სივრცეში.
(R)
კომენტარები