“ცოტნე ივანიშვილის, კარგი და ახალგაზრდა კაცის, კიდევ ერთხელ გაჟღერებული პატრიოტული პოზიცია, თავისთავად არის ქვეყნისათვის პოზიტივის და სარგებლის მომტანი” – გიორგი გამსახურდია

ბიძინა ივანიშვილის შვილის, ცოტნე ივანიშვილის დღევანდელ განცხადებას საქართველოს პირველი პრეზიდენტის ზვიად გამსახურდიას შვილი, გიორგი გამსახურდია გამოეხმაურა.

“ცოტნე ივანიშვილის, კარგი და ახალგაზრდა კაცის, კიდევ ერთხელ გაჟღერებული პატრიოტული პოზიცია, თავისთავად არის ქვეყნისათვის პოზიტივის და სარგებლის მომტანი. დიახაც, უნდა დასრულდეს პოლარიზაცია, მეტი სივრცე უნდა იყოს დიალოგის და განსხვავებული აზრის მქონე ადამიანებს, არ უნდა ვუყურებდეთ როგორც კეთროვანებს.

უბრალოდ მინდა ავღნიშნო, რომ სამწუხაროდ რადიკალური ოპოზიცია, ამ ყველაფერს აგდებით უყურებს და ყოველივე ჯერზე ცდილობს რომ პროცესი დააკნინოს და გააუფასუროს. ძალიან მინდა, მაგრამ რადიკალური ოპოზიციის ლიდერების უმრავლესობა, ვფიქრობ ვერ იპოვიან საკუთარ თავებში ძალას,რომ თუნდაც ერთხელ გამოვიდნენ სხვების ტყვეობიდან და შეურთდნენ ცოტნეს გაჟღერებულ ამ ქვეყნისათვის საჭირო ინიციატივას.

ისე, ვიღაცეები რომ საუბრობენ აქ დინასტიებზე, ისიც გაითვალისწინონ რომ ყველა ადამიანს აქვს უფლება, გამოთქვას თავისი აზრი, იყოს საზოგადოებრივ და პოლიტიკურ ცხოვრებაში და ა.შ. ამ ყველაფრის უამრავი მაგალითი არსებობს მსოფლიოს უამრავ ქვეყანაში” – წერს გამსახურდია სოციალურ ქსელში.