საქართველოს პარლამენტმა კომუნიკაციების ეროვნული კომისიის წევრად ანი ვაზაგაშვილი აირჩია. მის კანდიდატურას დღევანდელ პლენარულ სხდომაზე მხარი „ქართული ოცნების“ 80-მა დეპუტატმა დაუჭირა, – ამის შესახებ ინფორმაციას” მედიაჩეკერის“ ავრცელებს.
ანი ვაზაგაშვილი ამ დრომდე სამთავრობო ტელეკომპანია „იმედის“ იურიდიული დეპარტამენტის უფროსის პოზიციას იკავებდა. პარალელურად, იგი ხელმძღვანელობდა ტელეკომპანია „მაესტროს“ იურიდიულ სამსახურსაც.
სამაუწყებლო სფეროში საქმიანობის დაწყებამდე, ანი ვაზაგაშვილი საჯარო სექტორში მუშაობდა. 2024 წლამდე ის შინაგან საქმეთა სამინისტროს საპატრულო პოლიციის დეპარტამენტის სამართლებრივი უზრუნველყოფისა და ადმინისტრაციული საქმისწარმოების სამმართველოს მთავარი სპეციალისტი და იურისტი იყო.
ანი ვაზაგაშვილი კომუნიკაციების კომისიაში ვაკანტურ ადგილს 6 წლის ვადით დაიკავებს.
კომენტარები