“რა უნდა გაითვალისწინოს ოპოზიციამ, გაუგებარია” – სალომე სამადაშვილი

ყოფილი პარლამენტარი, სალომე სამადაშვილი:

გასაოცარია, ის ხალხი, ვინც ადგილობრივ არჩევნებს ბოიკოტი გამოუცხადა, მოღალატედ გამოგვაცხადა ყველა, ვინც ვამბობდით, რომ ერთიანი ძალებით დაპირისპირების შემთხვევაში, 2024-ში მოგებული ქალაქების რეჟიმისთვის წართმევის შანსი რეალური იყო, ახლა მოგვიწოდებს, უნგრეთის მაგალითი გავითვალისწინოთ. დიახ, არანაირ ბოიკოტს არანაირი შედეგი არ მოუტანია, არსად, ეგ არის უნგრული გამოცდილება. ბოიკოტების გამოცდილება სერბეთს აქვს, დიდი, შედეგიც შესაბამისი. ნამდვილად გასათვალსიწინებელია უნგრული გამოცდილება. 2025 წელს რომ გაგვეთვალისწინებინა, უკეთესი იქნებოდა. ეს ჩემი აზრია. მათ ვისაც მიაჩნია, რომ არჩევნებს აზრი აღარ აქვს საქართველოში, რაში აინტერესებს უნგრული გამოცდილება? ან რა მოლოდინი აქვთ, რა უნდა გაითვალისწინოს ოპოზიციამ, გაუგებარია.