მთვარეზე მოგზაურები დედამიწაზე მშვიდობით დაბრუნდნენ. ნახევარი საუკუნის შემდეგ ეს იყო პირველი შემთხვევა, როცა ადამიანი ასე ახლოს მივიდა მთვარესთან. ისტორიული მისია კოსმოსში ცხრა დღე, ერთი საათი, 32 წუთი და 15 წამი გაგრძელდა. გზა, რომელიც ასტრონავტებმა დედამიწიდან მთვარემდე და შემდეგ პირიქით გამოიარეს ჯამში მილიონ კილომეტრს აჭარბებს. კოსმოსური ხომალდი 10 აპრილს, წყნარ ოკეანეში, სანდიეგოს სანაპიროსთან ჩაეშვა.
დაშვების შემდეგ ეკიპაჟის ოთხივე წევრი ვერტმფრენებით სამედიცინო შემოწმებისთვის სამაშველო ხომალდზე გადაიყვანეს. ნასას ინფორმაციით, გრავიტაციის პირობებში ცხოვრებასთან შეგუება მარტივი არ ყოფილა., ამიტომ ეკიპაჟის ოთხივე წევრმასახლში დაბრუნებამდე სპეციალურად შემუშავებული „დაბრკოლებათა კურსი“ უნდა გაიარონ.
ნასამ მთვარეზე მოგზაურობას “სრულყოფილი მისია” უწოდა და განაცხადეს, რომ არტემის ორის წარმატებამ გზა გაუხსნა სამომავლო საძიებო შესაძლებლობებს და ის უკვე შეფასდა როგორც ახალი ეპოქის დასაწყისი, რაც მთვარეზე დაშვებას და მუდმივი ბაზების შექმნას გულისხმობს.
მთვარიდან დედამიწაზე დაბრუნებული ასტრონავტების წარმატებულ დაშვებას გამოეხმაურა დონალდ ტრამპიც. შემდეგი ნაბიჯი მარსი იქნება – წერს ამერიკის პრეზიდენტი. ორიონის კაფსულის დატოვების შემდეგ ასტრონავტებს საჯარო კომენტარი არ გაუკეთებიათ.თუმცა ნასას წარმომადგენელი ამბობს, რომ მათთვის მთავარი ოჯახებთან დაბრუნებაა. მედიაში გავრცელებული ინფორმაციით ეკიპაჟი ჰიუსტონში ხვალ, ადგილობრივი დროით საღამოს 7-საათამდე დაბრუნდება.
კომენტარები