დეკანოზმა გიორგი აბდუშელიშვილმა, ქადაგებისას, განაცხადა, რომ სეკულარული ქვეყანა უღმერთოთა ქვეყანაა და ამიტომ, ვართ ვცხოვრობთ უღმერთოთა ქვეყანაში.
[მას შემდეგ, რაც კათოლიკოს-პატრიარქი ამბროსი ხელაია ჩამოაცილეს ეკლესიას] ქართული ეკლესიის კურსი უკვე დაუკავშირდა კომუნისტებს და რუსებს. აი, ეს კურსი გრძელდება დღემდე და სამწუხარო არის, როდესაც დღეს ქართველი ერი იბრძვის იმისათვის, რომ როგორმე თავი დააღწიოს ამ რუსულ ურდოს, ჩვენი დედა ეკლესია ამასთან დაკავშირებით დუმს და კი არ დუმს, ხელს უწყობს რუსეთის აგენტებს ჩვენს ქვეყანაში.
აუცილებელი არის, რომ ჩვენს ქვეყანაში და ჩვენს დედაეკლესიაში გამოიყონ ის სასულიერო პირები, ვინც ეროვნულ ნიადაგზე მოღვაწეობენ და ვისაც სურს, რომ ეროვნულ ნიადაგზე იბრძოლოს ჩვენი ქვეყნის დამოუკიდებლობისათვის. არის ორი ფრთა. ერთი ფრთა არის, რომელიც იბრძოდა ჩვენი ქვეყნის დამოუკიდებლობისათვის [კირიონი, ამბროსი ხელაია] და არის მეორე ფრთა [ქრისტეფორე III, დავითი და ა.შ]ჩვენ ზღვარი უნდა გავავლოთ, ვისი გზა უნდა ავირჩიოთ. აი, ეს არის დღევანდელი გადასაწყვეტი: უნდა ავირჩიოთ ჩვენ კირიონის და ამბროსის გზა, თუ უნდა ავირჩიოთ ჩვენ გზა ქრისტეფორე მესამისი. ეს უნდა გადაწყდეს დღეს საქართველოს ეკლესიაში.
მე თხოვნით მივმართავ ეპისკოპოსებს, ვინც ეროვნულ ნიადაგზე დგას, რომ მე არ ვიცი, ამას წმინდა სინოდი სჭირდება თუ რა სჭირდება, უნდა გაირკვეს, ვინ საით არის; ვინ რომელ მხარესაა; ვის უნდა საქართველოს სრული დამოუკიდებლობა და ვის უნდა რუსეთის წიაღში ყოფნა. ეს დღეს ასე თუ ისე ჩანს, მაგრამ აუცილებელი არის, რომ კარგად გაირკვეს” – თქვა დეკანოზმა.
კომენტარები