“დღეს რაც გააკეთა “ოცნებამ”, – ეს იყო პროვოკაცია, ძალადობა” – ანა დოლიძე

“ხალხის პარტიის“ ლიდერი, ანა დოლიძე, რომელიც სინდისის პატიმრების მშობლებთან და მოქალაქეებთან ერთად რუსთაველის გამზირზე იმყოფება, მედიასთან ამბობს:

“დღეს რაც გააკეთა “ქართულმა ოცნებამ”, ეს იყო პროვოკაცია, ძალადობა – ღირსებით მოსვლა აქაც ვერ მოახერხა.  ამ ერთ დღეს ვერ მოახერხა თუნდაც შეენიღბა საკუთარი ნამდვილი ბუნება და სიმართლით ნამდვილად აღენიშნა ის წვლილი, რა წვლილიც 9 აპრილის გმირებმა შეიტანეს საქართველოს დამოუკიდებლობაში.”

ირაკლი კობახიძის, შალვა პაპუაშვილის, მიხეილ ყაველაშვილისა და “ოცნების” სხვა წევრების მემორიალთან მისვლამდე პოლიციამ აქციის მონაწილეები ძალის გამოყენებით განარიდა ტერიტორიას და ადგილზე საპატიო ყარაული ჩააყენა. 

ამას მოჰყვა პროტესტი და შეძახილები – “მონებო”, “რუსებო”, “სირცხვილი”.