“ფაიფურა” სახლში არ დაგვხვდა” – რატომ არ დაელოდა პოლიციას სახლში “ფაიფურა” და როგორ მიიმალა პირი, რომელსაც 7 თვე ფარულად უთვალთვალებდნენ?

კრიმინალური გარჩევების მთავარი ფიგურანტი, ე.წ. კანონიერი ქურდის, მამუკა შუბუთიძეის გარემოცვის წევრი, “ფიაფურა”პოლიციას გაექცა და პროკურატურა აცხადებს, რომ ის არ დახვდათ საცხოვრებელ მისამართზე და ეს მაშინ, როცა საქმის პროკურორის მტკიცებით, ფარული საგამოძიებო მოქმედებები, 7 თვის განმავლობაში გრძელდებოდა.

გამომდინარე იქედან, რომ ჭიათურელი კრიმინალური ავტორიტეტი მიმალვაშია, ვერ ვკითხავთ, რატომ არ დაელოდა პროკურატურას და პოლიციას სახლში?

ეს პიროვნება გახლავთ ქურდული სამყაროს წევრი, რომელსაც აქტიური კავშირი გააჩნია სხვა ქურდული სამყაროს წევრებთან, ასევე საზღვარგარეთ მყოფ კანონიერ ქურდებთან იგი მოქალაქეებს შორის არსებულ დავებს განიხილავდა ქურდული წესების შესაბამისად და იღებდა სხვადასხვა გადაწყვეტილებებს. 

უშუალოდ მის მიმართ ხორციელდებოდა ფარული საგამოძიებო მოქმედებები. უცნობია, რომ მან ქვეყანა დატოვა, მიმალვაში იმყოფება. 

როდესაც განჩინებები იქნა აღებული პირთა დაკავების თაობაზე, ვერ მოხერხდა მისი დაკავება, ეს გახლავთ დაახლოებით 2 დღე, 2 დღის წინ მოხდა ამ სისხლის სამართლის საქმეზე პირთა დაკავება, განჩინებების საფუძველზე. 

სპეციფიკას ამ გამოძიების, სპეციფიკური გახლავთ, ესეთი საქმის გამოძიება. მოცემულ შემთხვევაში წყდება ფარული საგამოძიებო მოქმედება, შემდეგ ფასდება მოპოვებული მტკიცებულებები და პროკურორი იღებს შემაჯერებელ გადაწყვეტილებას, პირზე დაიწყოს თუ არა სისხლისსამართლებრივი დევნა. 

მტკიცებულებების გაცნობის შემდეგ ჩავთვალე, რომ არსებობდა დასაბუთებული ვარაუდი, რომ მან ჩაიდინა დანაშაული, რომელიც გითხარით უკვე და მის მიმართ სასამართლოს მივმართე შუამდგომლობით. სასამართლომ რამდენიმე დღით ადრე, სანამ მოხდებოდა მათი დაკავება, დააკმაყოფილა ბრალდების მხარის შუამდგომლობა, გასცა განჩინება და დაკავების დროს, ერთ დროს ხორციელდებოდა ყველა პირის დაკავება, გამოძიებამ ვერ იპოვა ის [“ფაიფურა], არ იმყოფებოდა საცხოვრებელ მისამართზე,” – განაცხადა საქმის პროკურორმა, ნუგზარ ჭიტაძემ, ტვ პირველთან.

ე.წ. კანონიერი ქურდის, მამუკა შუბითიძის, იგივე “ტურიკელას” დაჯგუფების დაკავების შესახებ შსს-მ განცხადება გუშინ გაავრცელა. გამოძიების ვერსიით, იგი ე.წ. „მაყურებლების“ — „ფაიფურასა“ და „გრიშიჩის“ დახმარებით მართავდა პროცესებს. სამართალდამცველებმა ერთ ღამეში ქურდული სამყაროს წევრობისა და ქურდული სამყაროსთვის მიმართვის ბრალდებით 44 პირი დააკავეს, ხოლო კიდევ ექვსზე, ძებნა გამოცხადდა.