“შეთანხმება რომ შესაძლებელი ყოფილიყო, – აქამდე შეთანხმდებოდნენ და ეს ომიც არ დაიწყებოდა” – ბატიაშვილი

ანალიტიკოსი, ზურაბ ბატიაშვილი;

რა თქმა უნდა, ყველას მშვიდობა გვინდა ახლო აღმოსავლეთშიც და მთელ მსოფლიოშიც, მაგრამ ბოლო გადაწყვეტილება 2 კვირიანი პაუზის აღებაზე აჩენს ბევრ ეჭვს, რომ ეს შესაძლებელი იქნება გრძელვადიანად და აი რატომ:

– ეს არის ცეცხლის შეწყვეტა 2 კვირის ვადით და არა ომის დასრულება;

– გრძელვადიანი მშვიდობისთვის საჭიროა მხარეთა მოთხოვნების დაახლოება. ეს კი არ არის. პირიქით, მხარეები იმდენად ურთიერთგამომრიცხველ პირობებს აყენებენ, რომ მათზე შეთანხმება შეუძლებელი ჩანს;

– შეთანხმება რომ შესაძლებელი ყოფილიყო, მათზე აქამდე შეთანხმდებოდნენ და ეს ომიც არ დაიწყებოდა;

– ძნელად წარმომიდგენია, როგორ შეიძლება მხარეები 2 კვირაში შეთანხმდნენ იმაზე, რაზეც ათწლეულებია ვერ თანხმდებიან;

– ტრამპის ადმინისტრაცია დროშიც “იჭედება”. მოახლოებული შუალედური არჩევნების ფონზე მას სჭირდება ხელშესახები გამარჯვება, რათა რეპუბლიკელებმა უმრავლესობის შენარჩუნება შეძლონ კონგრესში. ვადების გადაწევა კი ამ საქმეს არ ადგება;

– ცეცხლის შეწყვეტის შეთანხმება არ ეხება დიდი ომის მეორე ნაწილს – ლიბანის ფრონტს, სადაც ისრაელი აგრძელებს ირანის მოკავშირე “ჰესბოლას” წარმატებით დადუღებას.

მინდა ვცდებოდე, მაგრამ მგონია, რომ ახლო აღმოსავლეთის მთავარი პრობლემები მოლაპარაკებების გზით ვერ მოგვარდება (მითუმეტეს 2 კვირაში).